【聲明】港生活網站並無進行電話推廣活動

樂觀面對好友錢國偉病逝 鄭伊健︰遲啲會再見

發佈時間: 2020/11/06

鄭伊健與任賢齊昨日為電影《大Project》開工,提到相識多年的好友錢國偉(Wilson)日前病逝,伊健談起故友表現豁達,揚言Wilson只是先走一步為大家打點,將來必定會重逢。

鄭伊健與錢國偉識於微時,據知Wilson患胰臟癌後,曾花費過百萬到日本接受免疫治療法,有傳伊健當時曾仗義資助醫藥費,又為Wilson遍尋名醫。伊健昨日與任賢齊、潘燦良等到元朗拍戲,伊健表示已平復痛失好友的心情:「一定要平復,一個相識多年嘅朋友行先都無辦法,會以樂觀態度面對,可能佢去咗另一個地方,準備定啲嘢,我哋遲啲先過去。」

伊健和小齊在片中扮演由細識到大的好朋友,合作經營洗碗生意,並化身「洗碗工人」,從中騙取社會福利。伊健透露片中有南亞裔演員、《全民造星III》參賽者及運動員等演出,猶如「聯合國」。小齊笑言今次首度與伊健合作拍戲:「開頭以為係『陳浩南』同『葉繼歡』嗰啲好有型角色嘅電影,點知原來係溫馨勵志片。」他們今次接拍全因支持新導演,至於片酬,二人異口同聲說:「唔好講呢啲,我哋好耐無工開,有工開已經好開心,好掛住開工飯盒!」

潘燦良變髮冧蘇玉華

同場的潘燦良為演貨車司機,特別電了一頭鬈髮,笑言十分喜歡這個角色和造型,連太太蘇玉華亦大讚好看︰「佢話身邊嗰個成日唔同樣,有時光頭、有時有鬚,對佢嚟講係情趣。」飾演社工的談善言則同時被伊健和小齊暗戀,她笑說︰「同佢哋合作好開心,細細個已經睇《古惑仔》同《夏日的麼麼茶》。」

採訪︰倪小珊

編輯︰李潔盈

美術︰梁政敏

樂觀面對好友錢國偉病逝 鄭伊健︰遲啲會再見

林曉峰、錢嘉樂、鄭伊健及錢國偉(右)稱兄道弟,感情要好。(資料圖片)

樂觀面對好友錢國偉病逝 鄭伊健︰遲啲會再見

潘燦良與談善言在片中以草根形象示人。