【聲明】港生活網站並無進行電話推廣活動

愛駒「蟲草天峰」受傷跑包尾 劉小慧︰康復後再出賽

發佈時間: 2020/11/06

蘇志威和劉小慧的愛駒「駿王」早前已退役,兩人購入另一匹新馬「蟲草天峰」,日前以後備補上出賽,可惜首次落場卻鎩羽而歸「跑包尾」,愛「兒」心切的劉小慧解釋︰「佢第一次出賽,無乜經驗。」

蘇志威、劉小慧昨日早上到山頂出席《大富翁85周年香港大賽》記者會,提到愛駒「蟲草天峰」首場表現未如理想,劉小慧解釋愛駒第一次出賽經驗不夠,更拉傷了前腿肌肉,她表示︰「動物好聰明,佢哋忍痛能力好高,好彩佢識停。輸贏並唔重要,我哋亦唔會覺得核突同好瘀,最緊要健康。」她強調待「蟲草天峰」康復後會再出賽。

藉大富翁教女兒理財

兩公婆自爆小時候最愛玩大富翁,但原來一直玩錯遊戲規則,蘇志威笑言︰「其實一個鐘之內可以玩晒,玩得精髓啲。」劉小慧則希望跟女兒一齊玩,享受家庭樂,她說︰「依家科技發達,大家只係攞住部手機自己玩,如果可以一家人參與,係一個好好嘅聯誼活動,又可以教個女理財。」

撰文︰倪小珊

編輯︰陳禮恒

美術︰梁政敏

攝影︰林良明

愛駒「蟲草天峰」受傷跑包尾 劉小慧︰康復後再出賽

蘇志威、劉小慧已成為馬主多年。(資料圖片)