現年25歲嘅前𡃁模謝芷蕙（Cammi）早喺16歲嘅時候爆出同男神陳冠希拍拖，成為佢一舉成名嘅「代表作」。之後雖然喺娛樂圈發展一般，不過感情生活一直多姿多采，男友仲個個都非富則貴，近日Cammi再戀上有米「金融才俊」新歡，異性緣超旺呀！
（網上圖片）
（東星娛樂）
IG有18萬粉絲嘅Cammi一向都有唔少狂蜂浪蝶，唔知新歡William係咪想宣示主權，喺萬聖節當日同女友Cammi cosplay扮鬼新郎鬼新娘，更於自己IG貼出二人咀嘴嘅合照，非常Sweet呀！據知情人士指William非常「有貨」，經常喺社交平台曬名錶，而佢之前嘅女友都係唔使工作嘅，不過就冇今次咁高調公開女友身份。
（IG圖片）
雖然Cammi嘅IG冇Post到當日同男方嘅合照，但就大方承認自己有新戀情，男友對佢好好。佢指William比自己大７年，雖然幾個月先開始拍拖，不過二人已經認識5、6年，對對方嘅性格都基本上了解，大家相處冇乜拗撬拗。
（IG圖片）
（Cammi IG）
（網上圖片）
Cammi強調自己討厭男友講大話，感情生活豐富嘅佢一直都喺度尋尋覓覓。同Edison分手後，被指介入當時未結婚嘅王浩信、陳自瑤之間。Cammi當時被影到喺王浩信屋企逗留至少4個鐘，大約凌晨4、5點先離開。事後女方承認有上男方屋企，但就話只係「普通傾下偈、食下嘢」，指做藝人喺屋企傾嘢會方便啲，又話同王浩信只係普通朋友，乜嘢事都無發生過。
（Cammi IG）
（Cammi IG）
2014年戀上內地富二代，男方打本兼教Cammi喺內地開舖賣時裝，拍拖4年分手。女方可說是無縫接合，之後與澳門賭廳富商交往，Cammi直認戀情，但否認對方係賭廳富商，指佢只是做過生意，兩人拍拖一年，Cammi發現男友講大話立即狠撇對方。
Cammi嘅內地富二代前男友。（網上圖片）
撰文：黃蘊姿