糖廠街市集咖啡節 美食咖啡啱晒上班族

去年黛安去過糖廠街嘅市集，搵到好多美食同甜品。今年太古坊再接再厲，由即日至11月27日，以及由12月1日至18日，星期一至五舉辦咖啡節。太古坊Taikoo Social應用程式更同OpenRice合作，所有太古坊及太古城中心一座嘅租戶員工可以經由Taikoo Social落單，OpenRice嘅外送服務就可以將市集同鰂魚涌區內餐廳美食速遞到辦公室，好貼心呀！

今次市集有話題咖啡店Knockbox Coffee Company，喺美食車提供專業咖啡師即場沖調；如果自備杯去品嘗指定㰙位嘅咖啡，仲可享$5折扣優惠㖭。咖啡節當然唔少得精美小食啦，好似Kala Toast及甜筒暉帶嚟嘅彩虹芝士吐司及「#COVIdiot」意大利雪糕等。另外，以原條龍蝦肉漢堡包聞名嘅NOMAD Burger，亦會提供招牌漢堡包，大家千祈唔好錯過喇！