【街市惡霸】街市$60半斤豆苗丈夫驚呼太貴 孕妻同遭檔主粗口大罵用刀恐嚇

不少人去街市買餸都有不快經歷，一對夫妻近日在上水一街市買菜時，由於該丈夫對菜價不太熟悉，得悉沒有標價的豆苗半斤要價$60後，因感昂貴本欲離去，未料竟遭該菜檔的檔主以粗言辱罵，甚至揮舞手上鎅刀恐嚇，險大打出手，事主與懷孕妻子受驚。

「未試過去街巿咁鬼受氣」，一名女子昨日在Facebook群組「北區之友 Friends of North District (上水、粉嶺、沙頭角和打鼓嶺)」發帖，稱與丈夫到上水一街巿買豆苗，眼見數個菜檔的售價皆為$30一斤。事主指其丈夫甚少到街市買餸，不知豆苗售價較一般蔬菜高昂，故想多看幾間菜檔格價。

二人其後走到位置較後菜檔，發現一箱豆苗未有標價。女事主見狀上前問價，對方表示半斤售價$60，回頭對丈夫報價時令對方深感意外，

「哇！黐線啲菜咁貴嘅，唔食豆苗啦！」

未料中年男子檔主隨即手持鎅刀，朝他們前行大罵「黐乜嘢線？呢啲係豆肧」，事主遂解釋其丈夫不知豆苗價格一向較高，所說的話並非責罵他們，「純粹係表達吓『食菜唔知菜貴』咁啫」。惟事主指檔主未有罷休，更不斷用粗口大罵，聲言「有本事就搵人掃我檔口」，並不斷揮動手上鎅刀。

大埔2歲童遭扶手電梯夾腳 消防員奮力救出 網民驚呼：好險！，詳情即睇：【下一頁】

由於事主懷有身孕，為免生危險遂與丈夫轉身離開，未料檔主即出言嘲諷指事主夫婦「怕咗佢」，丈夫聞言後怒氣沖沖走回頭，事主亦不忿被窮追不捨，回頭指罵稱，

「都講咗句嘢唔係鬧你，我哋都轉咗身走，你乜事要咁樣呢？一啲道理同禮貌都冇。」

至此檔主再變本加厲，對事主腹部指罵為「狗乸」，並手持鎅刀在事主的肚前揮動，其丈夫震怒下朝檔口阿叔擲番茄；眼見對方持鎅刀走近，丈夫亦手執板車準備動武，猶幸雙方最終未有大打出手。

檔主疑有前科 網民：一向得罪人多

事主指二人事後極為憤怒，稱未想過買餸竟要如此受氣，又指兩旁菜檔及附近街坊都指該菜檔東主臭名遠播，

「呢檔嘢成家人都係咁，啲嘢又貴又鍾意亂鬧人，個個都怕咗佢！」

帖文引起不少該區街坊留言回應，有人表示該菜檔東主態度一向惡劣，「態度一向好差，呢檔一向得罪人多，貴係全場皆知」、「今次你係第N個上嚟訴苦嘅人」、「千祈唔好問完唔買，即時祖宗18代拎晒嚟講」；亦有人批評該檔主十分過分，「鬧人狗乸咁冇口德，佢自己同畜生有咩分別」、「賣菜啫，不如做古惑仔啦，一傳十就無生意啦」；也有人指「最緊要人安全，唔好動到胎氣」，並建議事主可報警求助。

葵涌89歲腦退化婆婆失蹤好心人力尋 斷水斷糧逾30小時垃圾房尋回，詳情即睇：【下一頁】

每朝索取《晴報》：精明生活．健康家庭．開心娛樂

撰文：賴天兒