【爺媳關係】港媽患妊娠毒血症早產B夭折 無知老爺以為「熱氣」狂傷口上灑鹽【附7大高危因素】

子女離世對父母而言絕對是錐心之痛！一名港媽日前在討論區上傷心地稱，她在懷孕25週時患上妊娠毒血症住院，28週時BB早產出世，最後不幸夭折死亡。惟無知老爺竟不斷在事主的傷口上灑鹽，以為妊娠毒血症是熱氣，質疑她懷孕期間吃太多熱氣食物，又暗示新抱與孩子沒有緣份等等，令事主非常難堪，日日以淚洗臉。

無知老爺不斷挑戰港媽底線

該名港媽上周三（4日）在「親子王國」以「點解老爺你要係咁喺我心口撒鹽」發文，指自己在懷孕25週時患上妊娠毒血症住院，BB在28週大時早產夭折。住院期間，老爺奶奶曾到醫院帶日用品給她，但老爺經常說出令人側目的說話，令她大感無奈，

「佢話我有BB嗰陣要飲多啲茶，話我成日唔飲茶（因為佢係一個好鍾意飲茶嘅人）。之後又話我係咪食好多熱氣嘢，因為佢聽到毒血症就以為係熱氣。」

雖然明白事理的奶奶都有向老爺解釋妊娠毒血症並非等於熱氣，惟老爺認為是事主飲食習慣有問題而造成；直至BB離世後，老爺不斷指責事主「係咪食咗啲乜嘢」，表示「BB出世其實冇7個月大，似5個月」，令事主非常難受。雖然醫生曾向家人解釋妊娠毒血症的病因，更強調「妊娠毒血症仲未查到發病原因」，但老爺始終不相信，認為「任何嘢都係有原因嘅」。

出院回家後仍不斷重提傷心事

後來事主出院回家，奶奶已再三提醒老爺不要重提傷心事，但口沒遮攔的老爺不斷重提舊事，指新抱與BB「冇緣份呢啲嘢整定」。事主坦言這些說話都令她非常傷心，

「我成日偷偷喊，之後我同我老公講，我老公就話下次一有BB就搬走！」

出院一個月後，原本事主心情已平復了不少，但老爺的親戚又「無啦啦」前來探望她，期間老爺不斷重提BB夭折事件，更暗示「食錯乜嘢？冇食乜嘢就會搞到咁」。最終事主在親友面前不斷哭泣，直言：「我而家聽到佢（老爺）把聲就好驚。」

網民支持港媽搬走

不少網民看到港媽的帖文後，紛紛留言鼓勵港媽，「唔好喊，你現在坐月中，身子要緊」、「時間係最好良藥」，又有人建議港媽盡快搬走，「或者你真是搬開一下，大家都好， 大家都可以找個出口」、「你唔會改變到佢地嘅行為想法，要強逼自己接受佢哋，係好辛苦嘅一件事，建議樓主可能返自己父母屋企一排，小産後親人嘅關心好重要」。最後事主留言表示，與丈夫商量後，決定下個月就會搬走。

7大因素增加患上妊娠毒血症

據衞生署衞生防護中心資料表示，妊娠毒血症是一種不常見但嚴重的妊娠併發症，病發於懷孕中、後期，或剛生產後。

如果孕婦有以下高危因素，會增加患上妊娠毒血症的機會︰

除嚴重水腫外，孕婦血壓會上升（如血壓高於140/90mmHg）和出現蛋白尿的情況，其他病徵包括，嚴重頭痛、視力模糊或出現閃光、上腹疼痛、嘔吐等。如孕婦出現以上症狀，必須緊急就醫，接受監察和治療。此症可引發子癇（痙攣），或導致肝、腎、肺衰竭、凝血問題，對孕婦及胎兒的健康和性命構成威脅。

餵人奶時老爺不迴避撩孫玩，90後新手媽尷尬投訴，因老爺一個反應感困擾，詳情即睇︰【下一頁】

每朝索取《晴報》：精明生活．健康家庭．開心娛樂

撰文︰潘迦晴