【聲明】港生活網站並無進行電話推廣活動

唔怕老婆扭耳仔 羅子溢咀足張曦雯3分鐘

發佈時間: 2020/11/10

羅子溢(前名羅仲謙)與張曦雯(Kelly)在劇集《木棘証人》結局篇將有激吻戲,羅子溢昨日指咀戲足足有一個廣告時段般長,又笑言控制不到太太楊茜堯(前名楊怡)睇劇;而張曦雯為免尷尬,播出時會帶同居男友出街食飯暫避。

羅子溢、張曦雯、張秀文及韋家雄等,昨天宣傳劇集《木棘証人》結局篇,子溢預告將與Kelly有一場長達三分鐘的接吻戲:「如果無刪剪,有一個廣告時段咁長!(到時怕太太睇到?)控制唔到喎!要用欣賞嘅角度去睇。」問拍戲多年哪位對手最好錫?他笑說:「咁問梗係張曦雯,電視角度係OK(激),但電影嚟講濕濕碎。」

Kelly大讚人夫羅子溢錫得「好專業」:「佢好知點樣帶領,場戲有好多唔同嘅錫法,好似激動、好嬲同傷心咁錫,係演技考驗。(擔心同居男友睇到?)佢有追睇劇集,如果兩個人一齊睇好尷尬,所以到時會出街食飯。」Kelly笑言自己在《踩過界II》雖然有吻戲,但因疫情關係,拍攝時都是借位拍。

韋家雄獲睇好台慶奪獎

同場的韋家雄入行多年,終以55歲之齡擔正,他笑說:「死啦!搞到我面紅,真係要多謝編劇寫得好,監製、合作嘅演員都好好,但我覺得自己(表現)只屬於合格,仲有進步空間。」網民睇好他在台慶頒獎禮得獎,他即為自己拉票:「不過我諗都唔敢諗,有提名已好開心。」身旁的張秀文亦笑說:「我手上嘅票,一定投晒畀家雄,唔會投畀羅子溢。」

採訪︰Pauline

編輯:李潔盈

美術:梁政敏

唔怕老婆扭耳仔 羅子溢咀足張曦雯3分鐘

張秀文表示合作後,視韋家雄為偶像。