與鄭俊弘原來係好兄弟 張頴康︰佢陪我傾通宵

張頴康與太太麥雅緻昨日結婚八周年紀念，張頴康特別在社交網貼出當年的結婚相，相中驚現鄭俊弘（Fred）有份做兄弟。不少網民好奇張頴康跟Fred竟如此老友，張頴康昨日接受《晴報》電話訪問時親自揭露真相。

現年38歲的張頴康，與太太麥雅緻結婚八年，育有六歲大女張雅喬及三歲細仔張迅橋，一家四口幸福美滿。「愛妻號」張頴康前日在社交網上載多張昔日結婚相，向太太發表愛的宣言︰「回顧番之前咁多年嘅結婚紀念日，我哋都無隆重慶祝，每次都係好簡單食餐飯，食下甜品，好好咁回味結婚當日嘅情景同心情！證實咗，我老婆咁多年都無變過，仍然係好簡單，好容易滿足。多謝老婆八年前奮不顧身咁嫁畀我，仲幫我生咗兩個咁聽話嘅小朋友。老婆，我愛你。」

網民發現張頴康po的結婚相中驚現鄭俊弘，而鄭俊弘日前舉行婚禮，張頴康亦有份做兄弟，不少人好奇他們原來非常老友。張頴康留言說：「好多人好奇怪點解阿Fred結婚，我會做兄弟，因為大家都唔知道我同阿Fred有幾熟。呢度有一張相，當年我結婚阿Fred都係我兄弟，佢就係企喺喊到豬頭咁嘅鍾一憲後面。」

平日見面唔Po相

張頴康昨日接受本報訪問，透露他與Fred因多次合作拍劇而認識，直到Fred在13年參加《星夢傳奇》人氣急升後，兩兄弟感情更佳。張頴康說：「Fred喺節目上彈起，我哋都好戥佢開心，但呢行真心想人好嘅唔多，佢自己都會feel到。之後我哋拍《與諜同謀》，大家好夾、好有默契；到我16年喺馬來西亞攞『飛躍進步男藝員』獎，佢陪我傾偈傾通宵。雖然我哋唔係成日見，平時見面食飯都唔會po相上網，但我哋嗰份感情係紮咗喺心裏面，唔使講出嚟。」

撰文︰倪小珊

編輯︰李潔盈

美術︰梁政敏