【聲明】港生活網站並無進行電話推廣活動

LOG-ON x Snoopy限定店 時代廣場一聚

發佈時間: 2020/11/10

唔經唔覺,人見人愛嘅Snoopy原來已經面世70年喇!為咗慶祝呢個元祖級KOL生日嘅大日子,黛安八卦到,LOG-ON特別同Snoopy聯手打造「Live Like Snoopy / Peanuts 70周年期間限定店」嘅壓軸慶典,即日起至29日,於銅鑼灣時代廣場登場,仲會以懷舊Café造型同大家見面㖭。

Snoopy仲會以唔同年代嘅經典造型現身,好似坐鎮懷舊Café正門嘅粉紅色爆炸頭造型就夠晒可愛,仲足足有成1.2米高,等大家同佢一齊selfie;門外仲印咗Snoopy多年來嘅趣怪造型,忠粉一定唔可以錯過。

另一個打卡位,當然唔少得Snoopy最愛瞓喺屋頂嘅經典紅色小木屋,成2米高嘅小木屋坐落綠油油草坡上,仲有查理布朗標誌性Zigzag設計嘅黃色充氣梳化,好有戶外感覺。

同場仲首推獨家限定瘋搶精品,買滿250元或以上,即享免費懷舊扭蛋體驗一次;仲會推出多款獨家限定商品,包括全港限量300隻嘅Snoopy 12吋爆炸頭造型公仔,同可愛到爆燈嘅Snoopy木製Ukulele等,同大家提早歡度聖誕!

撰文: 黛安 消息特靈八卦公關
欄名: 八卦名利場