Twins的蔡卓妍（阿Sa）和鍾欣潼（阿嬌）久未合體，上周阿嬌從內地返港，正進行家居隔離，好姊妹阿Sa暫時未能跟她見面，不過，細心又鬼主意多多的阿Sa，給阿嬌隔空視像慰問，兩人的窩心片段更上載到IG分享。短片中，她們近乎素顏出鏡，而阿嬌早前撞傷右眼眉的3吋疤痕已消失，她穿上有帽衛衣蓋頭，不停整理頭髮︰「好亂呀！」，阿Sa話︰「唔緊要啦！」，閒話家常一番。
阿Sa問對方家居隔離的情況，「你想食乜嘢？飲乜嘢？」，阿嬌一話珍珠奶茶，阿Sa︰「好呀，我親手整畀你！好簡單啫，上網睇咪知囉！有晒Recipe。」，阿嬌大讚對方「好勁」，「果然是『妍』妻良母，我等梗你杯愛心珍珠奶茶！」
阿嬌家居隔離中，阿Sa視像搵好姊妹，寒暄問暖，前者話最想飲珍珠奶茶。(圖片︰蔡卓妍IG)
阿Sa一聽到阿嬌嘅Order，即刻話親手整畀佢。(圖片︰蔡卓妍IG)
阿Sa說到做到，買齊所需材料，親手為阿嬌泡茶及煮珍珠，完成「大製作」後，阿Sa更人肉速遞親自送到阿嬌香閨。見阿Sa雙手捧着一個四層高的蛋糕盒，小心翼翼放到阿嬌大門外，然後按門鐘後「閃人」 ; 阿嬌開門發現、打開神秘禮物，一杯放在乾冰上的「愛心珍珠奶茶」就在眼前！
阿Sa返回車上，急不及待從視像中問︰「好唔好味呀？」，阿嬌答︰「隻杯寫住『你今日飲咗未，哈哈！』」，她即時除下口罩品嚐愛心速遞︰「嘩，好飲喎！」，更提議二人可以開奶茶店：「我哋一齊開，得你整，我飲晒！」
鍾欣潼離家5個月返港以為入錯屋 嬌媽為愛女最私密地方做咗咩？【下一頁】
阿Sa連珍珠奶茶都識整，阿嬌讚佢係「妍」妻良母。(圖片︰蔡卓妍IG)
親自落手炮製愛心珍珠奶茶。(圖片︰蔡卓妍IG)
「外賣妹」阿Sa捧住咁大個蛋糕嘅？(圖片︰蔡卓妍IG)
原來蛋糕盒入面係阿Sa嘅冰鎮愛心珍珠奶茶，親自送上門畀阿嬌一個驚喜。(圖片︰蔡卓妍IG)
阿Sa完成「愛心任務」，在IG寫上：「我嘅第一次送咗比嬌嬌」，另一邊廂，阿嬌對阿Sa的窩心體貼，超感動的寫著：「知我者莫若你 ，一杯來自我心靈手巧嘅正菜妻，妍妍所親手調製嘅珍珠奶茶，係真愛呀！係我飲過最感動嘅味道，我超級想你啦！我們很快就見到了！」
阿嬌叫大家為兩人的珍珠奶茶店起名，她說自己心水店名「Gill杯珍珠奶Sa」，阿Sa就在阿嬌IG留名說「鍾意飲Sa」。
(圖片︰蔡卓妍IG)
阿Sa為好姊妹泡茶，呢份心意同心思，真令人羡慕。(圖片︰蔡卓妍IG)
做完外賣妹，阿Sa急急問阿嬌味道如何。(圖片︰蔡卓妍IG)
「妍」妻Sa果然廚藝有番咁上下，呢杯珍珠奶茶阿嬌話好飲到可以開舖。(圖片︰蔡卓妍IG)
撰文︰衛紫敏
【近年屢傳身體差激瘦】洪金寶現身手腳靈活「起雙飛」68歲繼續做到身體退化才退休 【下一頁】