無綫台慶劇《使徒行者3》要數吸引指數，一定非麥美恩 (Mayanne) 演的臥底朱倩莫屬，繼扮舞小姐「濕身」色誘陸永、C君後，昨晚第二集Mayanne收起搞笑本色，來一次演技大爆發，因劇情講到她被識破臥底身份，被器官販賣集團捉走，最後一場戲被綁在手術枱上，活摘器官慘死！Mayanne被生劏一刻，由憤怒至無助的眼神轉變，望著爆Seed (林峯 飾) 給她的定位手錶，隔空哀求：「爆Seed，救我！」雙眼滿腔淚水的彌留表情，Ｍayanne僅數分鐘的演繹，完全升呢到「演技派」，令網民對她刮目相看，大笑姑婆亦有好戲一面。
麥美恩演臥底朱倩，被活生生摘取器官，臨死前的無助驚恐，網民大讚有戲。（電視截圖）
望着爆Seed給她的定位手錶，求助無門。（電視截圖）
網民更在她IG留言：「睇完後，久久不能釋懷」、「死得好唔抵，我見到呢幕嗰陣真係好想喊，太慘了」、「集氣要求拍一集朱倩番外篇」、「你做得好好，好有驚喜，畀我地見到你做戲的一面」繼當年周柏豪被網友形容為「鼻哥窿」識演戲後，今次同樣有網民笑說她「鼻哥窿」交足戲。
雖然Ｍayanne在《使》劇只得兩集戲份，卻贏得一致好評，深受感動，她在IG發文，「Sigh……why……讓我消失以後，誰會唸著我。」Mayanne提到拍攝這重要場口，事前有向林峯請教：「拍呢場之前我諗咗好多嘢，問過峯哥喊戲點拍，佢話拍嘅時候你個心會有一首歌，當時我追緊《Game of Thrones》（《權力遊戲》），心中響起《The Night King》 ; 手術室現場好靜、好冷，陰陰沉沉嘅燈光，果種孤獨感，朱倩知道點嗌都冇用……」Mayanne自爆邊睇邊喊，更不只喊一次：「看到爆seed衝入去救朱倩，再聽埋峯哥首主題曲《無人問我》…… 唉又喊了……」
《使徒行者3》首播爆Seed車禍翻車四周半 釘姐閃現都不及癲喪麥美恩搶鏡 【下一頁】
爆Seed是朱倩的Handler，最終後者在行動中慘死，令他好內疚。（電視截圖）
Mayanne接受《晴報》訪問，稱當日收到邀請時，已被角色吸引：「頭炮劇組想搵一個大家熟悉嘅女仔同爆seed出場，我心諗：『我喎？真係我？』睇埋劇本劇情，知道佢哋想搵個比較親切嘅女仔，唔會有偶像包袱，朱倩同我本身性格已經有7成似。佢嘅故事發展得好快，雖然壽命好短，但靈魂好長，因為CIB (刑事情報科)、成個警隊傾力去調查邊個係殺我嘅兇手，會不斷重提朱倩呢個人。而爆Seed為咗我好唔開心又內疚，朱倩牽連好大，影響佢做Handler (聯絡人)嘅種種決定。」
麥美恩有超水準演出，感激林峯助她入戲。（麥美恩IG)
為這場戲情緒低落了一段時間，壓力好大。（電視截圖）
最後一場戲，角色遭活摘器官，Mayanne說：「睇劇本已經心痛！要令觀眾痛心，但畫面又唔可以太核突，終於明白乜嘢叫虐心，好欣賞剪接。自己演戲技巧唔多，為咗呢場戲，一直保持住低落嘅情緒，成個禮拜都係咁，好想做到劇組要嘅嘢，唔想令大家失望。正式拍攝嗰陣，佢哋畀咗好多時間我投入角色、入戲，三機同時拍，一take過，時間過得好快。」事實證明到她沒有白費心機，演技贏得觀眾肯定和讚賞。
麥美恩「色誘」農夫一幕，完全豁出去，搞笑又夠放。（電視截圖）
撰文︰衛紫敏
周海媚霸氣回應網友遭催婚之苦 「我54歲未嫁人 難道活不了？」【下一頁】