【#後生仔傾吓偈】蔡思貝分享德國留學浪漫戀事 暑假選港姐網民憶「假學歷風波」

無綫J2台節目《#後生仔傾吓偈》最新一集請到藝人蔡思貝 (Sisley) 分享佢當年去德國留學時嘅日常生活點滴，提到同德國男友邂逅嘅浪漫經歷。Sisley仲同大家分享去德國留學有啲乜嘢要注意。不過講起讀書，又令唔少人憶起佢當年嘅「假學歷風波」。

{{hket:inline-image name="6.JPG"}}{{/hket:inline-image}}

（節目截圖）

法蘭克福做兩年半「奶媽」

Sisley指當年於新西蘭中學畢業，因為想見識世界而冇即時報讀大學，後來得到一個可以去德國做保母兼交換生的機會。佢指當時主要工作係喺法蘭克福一個家庭照顧3個5歲以下嘅小朋友，當中仲有初生BB，佢憶述要凌晨起身餵奶同「陪玩」，真係少啲愛心都唔得！

{{hket:inline-image name="7.JPG"}}{{/hket:inline-image}}

（節目截圖）

Sisley喺呢個家庭做咗足足兩年半，同小朋友建立咗深厚感情，所以之後都返過去兩次探呢家人，不過每次啲小朋友都好傷心，覺得被Sisley「遺棄」，「所以之後我都冇再返去嘞！」

{{hket:inline-image name="13.JPG"}}{{/hket:inline-image}}

（節目截圖）

{{hket:inline-image name="1.JPG"}}{{/hket:inline-image}}

（節目截圖）

Sisley話德國政府呢個交換生計劃，係為咗宏揚德國文化同語言，所以佢做保母之餘仲有返語言學校，都咪話唔攰！「做咗兩年半保母之後，開始覺得要搵番自己嘅人生，於是去到海德堡大學修讀民族學。」

{{hket:inline-image name="2.JPG"}}{{/hket:inline-image}}

（節目截圖）

「偶像劇」式邂逅前男友

佢「教路」要學當地語言，就要識一個當地男朋友！Sisley大爆當時點樣邂逅德國前男友，原來係因為一個意外──佢右邊膊頭附近有一道明顯疤痕，係踩單車炒車「剷」落水泥地而做成嘅。

{{hket:inline-image name="44.JPG"}}{{/hket:inline-image}}

（節目截圖）

{{hket:inline-image name="100665630_182510586358712_7035472471825933122_n.jpg"}}{{/hket:inline-image}}

（蔡思貝IG）

當時傷口深到見骨，恐怖得「漏油」，流出油性液體，前男友就喺呢個時候出現英雄救美，更講咗句偶像劇對白：「等我嚟！」之後佢仔細清楚自己雙手，再為Sisley處理傷口，「佢嘅舉動真係令我留下深刻印象！不過我哋只係交換咗Facebook，隔咗9個月都冇聯絡。」緣份令兩人喺一間酒吧再次相遇，之後好快快就「撻著」。

{{hket:inline-image name="6.JPG"}}{{/hket:inline-image}}

（節目截圖）

與男友距離拉遠

到Sisley大學一年級，放暑假時，返香港參選港姐，佢表示一心諗住選完返番德國繼續學業。當時男友也有來港陪伴，但由於言語不通、冇朋友亦冇錢，Sisley陪伴男友嘅時間亦越嚟越少，最終分手收場。

{{hket:inline-image name="e5623b5e656a1163d467c40cc7bc5e99.jpg"}}{{/hket:inline-image}}

（東星娛樂）

節目中，Sisley冇再提及佢有冇完成學業，有網民就因為佢嘅分享而憶起「假學歷風波」，不禁問起：「咁即係到底佢有冇大學畢業？」

{{hket:inline-image name="a0958bb3ad4958857df2e794ea86f4eb.jpg"}}{{/hket:inline-image}}

（東星娛樂）

蔡思貝2013年當選港姐亞軍後獲無綫力捧，但經常捲入是非。2015年被指當選後報讀菲律賓一間大學海外學士課程，喺兩個月內完成課程，惟申報入讀時間為2010年，即係同佢2010年喺德國做保母嘅時間重疊咗啦！之後再有指佢憑菲律賓大學海外學士報讀美國一間大學嘅碩士課程，學歷備受質疑。

撰文：黃蘊姿