【做人要公道】女子凌晨搭的士過海嫌貴途中落車 不滿付$24鬧「黑的」被司機一句KO

相信大家在搭的士前，心中都會有個預算。一名的士司機日前凌晨時分，在尖沙咀接載一位女乘客，目的地為西營盤高街；惟開車駛過數個街口，對方查詢得知最終車費應該超過100元後，竟要求立即落車。司機於是按錶收取24元車費，卻惹來女乘客不滿並大罵「搶錢」、「黑的」，令司機大感無奈又生氣。

【此話當真？】蘭桂坊醉娃$2萬卡地亞錶付$78車資，的士司機心驚欲交回結局意想不到，詳情即睇：【下一頁】

「真心嬲咗！」該名的士司機周一（9日）在Facebook群組「的士司機資訊網 Taxi」發帖，表示在當日凌晨零時30分左右，一名女乘客在尖沙咀海防道上車，目的地為西營盤高街。惟當的士行駛至寶勒巷時，女乘客查詢車程的大約車資後，卻發生令人感到意外之事：

司機：$110至$120左右啦。
女乘客：嘩！咁貴？唔去喇！畀我落車！
司機：OK！多謝你$24蚊啦！
女乘客：咁都要收錢？！你靠搶呀？
我：我正當司機載客，依足法例架喎！

最終女乘客向司機大罵「黑的」，「掉低」24元車資後，便落車「嘭門」當場敗走。此事引來網民熱議，不少人留言直指該名女乘客有問題，竟然沒有預算便去搭的士，「咁都話貴？你叫佢坐M記等天光啦」、「尖沙咀去西環，差唔多啦，貴？第一次搭的士？」、「要平民嘅價錢皇帝式嘅享受」、「免費車埋你過海好無」。

另有網民留言力撐司機做法，「起咗標就要收錢㗎啦」、「跟足法例收錢，（女乘客）有問題同運輸署長講」。不過，亦有網民表示「至少佢肯找數」、「佢去到話冇錢你咪仲差」、「有錢收就得」，著事主不要計較。

路邊等客睇色情片打發時間，非常的士司機惹熱議有撐有彈，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴