【聲明】港生活網站並無進行電話推廣活動

朱晨麗跳K-pop挑戰自己

發佈時間: 2020/11/13

朱晨麗、鄧卓殷、王菲及郭柏妍等為《萬千星輝賀台慶》排練跳舞環節,朱晨麗表示︰「其實今次表演係一個好大嘅挑戰。以前我有跳芭蕾舞同中國舞,但今次要加入K-pop元素,有啲sexy嘅感覺,所以要苦練。」她透露日前已開始排練,每晚都排練到凌晨,亦提醒自己要記熟舞步,又指以前跳芭蕾舞都是日夜練習,一定要下苦功才會做得好,朱晨麗說:「最近睇咗好多跳舞節目,覺得男仔女仔跳街舞都好有型,希望今次畀大家睇到唔同嘅朱晨麗。」她又笑言希望可以揚長避短︰「短處淨係可以自己知,長處仲可以揚出嚟,就係個樣啦,今次我係solo跳舞,會更加緊張,但有部分又要同舞蹈員嘅舞步一致,所以絕對唔能夠掉以輕心。」

另外,港姐郭柏妍和陳熙蕊亦有份參與跳舞環節,兩人將會表演中國舞,郭柏妍表示本身有中國舞底子,相信回家多加練習應該問題不大,最重要是臨場不會甩舞步,她又指在電視城排舞室可以望住塊鏡練習,所以會趁機練熟一點,回家練習時會更容易掌握。兩人都笑言今次台慶表演集合了一班港姐,大家傾偈的時間多了,可以加深彼此認識。

採訪:Pauline

朱晨麗跳K-pop挑戰自己

郭柏妍(左)和陳熙蕊互相提點舞步免出錯。