【聲明】港生活網站並無進行電話推廣活動

夫妻檔拍婚紗廣告 Jessica@SG笑老公肥咗唔肯減

發佈時間: 2020/11/13

女子組合Super Girls成員蔡明思(Jessica)與圈外台籍靚仔老公Steven結婚一周年,兩夫妻獲邀做代言人拍婚紗廣告,搵真銀之餘順道慶祝周年紀念。Jessica開心說:「我哋喺結婚一周年嗰日影相,街上好多人見到我都恭喜我,當我新婚。」因疫情所限,二人留在香港拍攝,Jessica自嘲是「大鄉里」,因從不知香港有這麼多影相美景:「老公好開心,因為佢鍾意行山,最深刻係去大欖涌拍攝,個景靚到我有啲震撼!」

Jessica拍廣告前努力keep fit,相反胖了不少的老公卻偷懶:「疫情無得出街,我拍節目成日下廚,搵老公試食,所以佢肥咗好多,但又唔肯運動,只係拍攝前一日唔食晚飯做準備。」談到結婚周年禮物,Jessica竟叫老公送洗碗機:「我好鍾意份禮物,因為唔使再怕有『主婦手』!」

夫妻檔拍婚紗廣告 Jessica@SG笑老公肥咗唔肯減

Jessica在疫情下密密煮美食,結果「儲肥」靚仔老公。