黃日華和苗僑偉 (三哥) 都是無綫第九期藝員訓練班出身 (1980年)，與梁朝偉、劉德華和湯鎮業稱為「五虎將」，是TVB力捧小生。兩人建立了40年友情，日前華哥、三哥任TVB節目《諸朋好友》嘉賓，分享年少入行時的難忘點滴。
苗僑偉講到當年同黃日華最鍾意穿波褲返藝訓班，點知校長劉芳剛勒令「禁穿熱褲」。(電視截圖)
黃日華 (前排跪下者) 是明星足球隊要將，當年成日踢波踢到打交的火爆球員。(東星娛樂)
三哥指華哥當年很火爆，酒後會打人，後者自爆有「噴火華」稱號，「而家唔會啦，以前細個時唔輸得，明星隊出外比賽，我同曾志偉、阿叻 (陳百祥) 就成日『起菜』，即係爭執同打交。我太太成日話『踢波玩啫，咁認真不如去踢職業啦！』其實中五畢業我係有去考南華預備組，二千幾人，我入到最後4個，仲諗有我份，夢想終於成真！點知最近三個入晒選，得我冇份！」旁邊三哥笑道︰「因為呢個𡃁仔要做明星，踢波浪費咗你。」
【感激苗僑偉夫婦照顧】黃芷晴陪爸爸逐步走出喪妻之痛 爆黃日華為圓亡妻願努力戒煙 【下一頁】
講到太太離世後，三哥經常打電話給他，在最無助時，感到友情的重要。(電視截圖)
黃日華陪伴太太梁潔華走到最後一刻。(東星娛樂)
華哥指三哥幫他打點太太喪禮，四出奔波，更為她找靈位，令他萬分感激。(東星娛樂)
兩人是同屆訓藝員練班學生，三哥稱與華哥最愛穿熱褲，「大家低層家庭出身，訓練班喺九龍塘係高級地方，但我哋就著住廟街買嘅波褲上堂，以前波褲好窄、好短，唯獨係佢同我都著波褲返學，搞到校長劉芳剛捉我哋入房問話，唔准我哋再著呢條褲返學！我哋兩個完全唔知講究衣著係點，唔知點叫企理返學。」
華哥在鏡頭前感謝三哥在他身邊幫忙。(電視截圖)
講到「五虎」時期，有次綵排做動作，三哥和劉德華一個跳下，一個跳作，三哥因「窒步」整個人壓在後者身上令他險些咬斷舌頭，三哥笑言：「因為咁壓一壓佢條脷倒後，就做咗歌星嘞！」而華哥亦指，當時梁朝偉要做一個由枱面後空翻再落地的動作，「點知佢個嘴撞到枱邊，半隻門牙斷咗，從此佢講對白就very good！」
1984年《星光熠熠競爭輝》大型節目中，苗僑偉、黃日華和梁朝偉是訓練班新人，要扮企鵝為港姐高麗虹伴舞。(電視截圖)
二人大爆梁朝偉 (右) 成為影帝的「秘密」。(電視截圖)
華哥說到和三哥的兄弟情，令他感動的是太太梁潔華離世時，「最失落、最無助時，三哥收到消息，第一時間打嚟問候，跟住之後嗰一個幾月嘅朝早，係咁打畀我，問我起身未？『一齊出去早餐，出去飲茶』，喺呢段時間陪住我、開解我。同埋我太太設靈、出殯嗰兩日，佢好有心，一早到場幫我打點一切，佢係義無反顧咁幫你，幫我太太搵靈位。我真係要喺呢度再一次衷心多謝三哥。」
這時，三哥即拍拍對方膊頭，「唔使講呢啲嘢。」
華哥一臉感激，「做兄弟，說話真係唔使講太多，喺你身邉支持你、扶持你，任何錢都買唔到。」
「義氣仔女」三哥表示︰「放心啦，幾時都喺你身邊。」
太太梁潔華在五月病逝，黃日華和女兒黃芷晴感到難過不捨。（東星娛樂）
撰文︰衛紫敏
【離婚不留恨】林曉峰與康子妮做朋友更開心 稱Ready再拍拖 即約女伴食飯 【下一頁】