【聲明】港生活網站並無進行電話推廣活動

走過喪妻失落無助時 黃日華感激三哥:40年兄弟陪住我開解我

發佈時間: 2020/11/17

早前黃日華(華哥)、苗僑偉(三哥)齊為無綫清談節目《諸朋好友》任嘉賓,今年五月經歷喪妻之痛的華哥,在前晚播出一集中真情剖白,最感激識於微時的三哥。當太太梁潔華病逝後,華哥情緒低落期間,全靠三哥的開解和陪伴,他感觸道︰「兄弟情有錢都買唔到!」

崔建邦、張秀文主持的《諸朋好友》前晚播出第三集,嘉賓黃日華、苗僑偉同屬80年代無綫力捧的「五虎將」小生,也是79年藝訓班同學,二人暢談兄弟情點滴。華哥憶述今年中愛妻離世的人生低潮期︰「喺我最失落、最無助嘅時候,三哥第一時間打電話搵我,之後一個多月,佢好多次朝早打畀我問我起身未,叫我一齊食早餐、飲茶,佢喺呢段時間陪住我、開解我!」

華哥表示在太太設靈、出殯期間,三哥亦一早到場打點。華哥續稱:「佢(三哥)係義無反顧咁幫你,幫我太太搵靈位,所以要衷心多謝佢!說話無需要講太多,做兄弟支持你、扶持你、開解你,呢樣嘢有錢都買唔到。」坐在身旁的三哥聞言即拍拍華哥膊頭︰「放心,隨時都喺你身邊!」盡見二人兄弟情深。

自爆曾收留郭富城

主持人張秀文提到華哥原來是「舞台王者」郭富城的大恩人,早年曾任對方個唱嘉賓。華哥稱︰「80年代初,城城由舞蹈員轉做藝員,當時一齊拍劇集《太平天國》,經常凌晨三、四點收工,緊接朝早六點開工,佢住得遠,我就帶佢返屋企瞓,跟住嗌醒佢一齊返清水灣開工!如是者個幾月,咁就多咗個朋友!」

此外,華哥日前接受傳媒訪問,回想太太過身後,自己沒有了人生目標,坦言感覺如同等死,呆在家中近一星期及每日抽一包煙,令身邊人憂心。可幸的是,華哥經已醒覺,承諾要盡心照顧外母及女兒黃芷晴,並好好保護自己。現時他每日早晚幫太太唸經,下午踢波做運動或學習手藝,偶爾會到三哥家中吃晚飯,有時亦會通宵睇波,重拾充實生活。不過,他希望享受人生,暫時無意復出拍劇。

撰文︰Steven

編輯︰陳禮恒

美術︰Simon

走過喪妻失落無助時 黃日華感激三哥:40年兄弟陪住我開解我

華哥(左)主動向三哥乾杯答謝老友,盡見男人的浪漫。(網上截圖)

走過喪妻失落無助時 黃日華感激三哥:40年兄弟陪住我開解我

今年五月痛失摯愛梁潔華,令華哥大受打擊。(資料圖片)

走過喪妻失落無助時 黃日華感激三哥:40年兄弟陪住我開解我

張兆輝(左)一向視黃日華為大哥,今年九月為老友搞慶生飯局。(資料圖片)