現年25歲、女大十八「變」嘅Cammi謝芷蕙,雖然已經冇喺娛圈打滾,不過其IG有超過18萬Followers,仍然好頻密咁更新社交平台慰Fans。
繼續變變變!(Cammi IG)
Cammi所Post嘅相,同大家當年認識16歲嘅佢完全唔同,IG上嘅佢眼大大兼皮膚白皙,擁有巨胸但手腳異常纖幼,一雙美腿更加唔合比例地長,似足《足球小將》12頭身角色咁誇張。有網民曾經留言指佢「完美」到唔合理,好似吹氣公仔一樣咁,唔合乎「人體工學」。
變幻才是永恆。(Cammi IG)
去年,Cammi上無綫《東張西望》,現真身,原來現實同網絡真係兩個世界嚟。主持人帶Cammi到街上做實測,街坊完全認唔出佢同相中人係同一個人!
《足球小將》新人物?(Cammi IG)
雖然喺2013年,Cammi的確去咗韓國做吊線雙眼皮,打過2次透明質酸改善面形。原本以為Cammi會因為畀人發現係「假相」而覺得尷尬,但佢反而非常大方直認P圖,「我鍾意P咗圖嘅自己,可以滿足到自己,所以我都會繼續P!」
Cammi真人 (左) 同手機中人有一段距離。(《東張西望》截圖)
之不過,今日Cammi大方曬腿,再次出事,今次係用咗影片濾鏡而出事。片中嘅佢屈膝疑似坐喺枱上,未知係咪濾鏡將佢下半身「放大」,Cammi嘅腳板被放大到好似「雪山大腳八」一樣,目測要著46號鞋,而佢腳掌嘅長度更加係比小腿仲要長,完全唔係一個正常人嘅比例。
唔該我想試46號鞋!(Cammi IG)
反面教材,今次係影片濾鏡出事。(Cammi IG)
係咪應該學下P圖先好P圖?(Cammi IG)
唔少網民都話完全唔認得呢個Cammi,指佢已經P圖P到走火入魔!亦有網民讚Cammi嘅真身其實都唔係太差,反而佢過度修圖,感覺有啲詭異。
去年現身節目,街訪男士表示冇人識你喎!(《東張西望》截圖)
撰文:黃蘊姿