囡囡下月滿1歲 周柏豪捐6位數行善為女積福

周柏豪昨日出席《新城勁爆頒獎禮2020》記者會，剛於上周四（12日）踏入36歲生日的他，透露生日當天與太太及女兒周芯悅外出野餐，度過簡單又溫馨的生日。下月初輪到愛女生日，柏豪表示會將女兒的六位數利是錢全數捐出，替囡囡積福。

周柏豪、陳柏宇、鄭欣宜及林奕匡等昨日在會展出席記招，現場有近百歌手及工作人員，大會安排歌手四人一組排排坐，眾人均戴上口罩，做足防疫措拖。現場宣布新城頒獎禮將於下月30日下午於商場舉行，預計頒發超過50個獎項。柏豪十分開心今年終於有實體頒獎禮，他今年推出兩首歌《讓愛高飛》和《劫後餘生》，故有信心攞獎。

上周生日的柏豪，透露一家三口野餐慶祝︰「今年生日好有感覺，因為多咗個女，同埋疫情下困咗好耐，囡囡第一次去草地，佢好奇周圍望，終於知呢個世界有其他人，唔係火星。」女兒下月一歲生日，柏豪將留在家中為女兒簡單慶生︰「我想將佢喺百日宴收到嘅六位數利是錢捐出，幫個女積福。（再追多個？）遲多陣先，太太驚唔可以埋身餵母乳，會忽略咗個女。」

欣宜靠YouTube維持收入

新加盟寰亞唱片的鄭欣宜，早前推出新歌《小夜燈》，她預告將年尾頒獎禮當作熱身，明年才會發力。欣宜指今年疫情下，自己十分幸運經營網上頻道有收入，她說︰「托賴有呢個頻道，就快有六萬訂閱，以初起步計係唔錯，非常滿意。」

採訪︰倪小珊

編輯︰李潔盈

美術︰梁政敏