【聲明】港生活網站並無進行電話推廣活動

陳庭欣笑工人姐姐啤酒放紅酒櫃

發佈時間: 2020/11/18

陳庭欣與陳詩欣昨日出席記者會,席上品嘗由星級名廚蕭秀香(三姐)即場炮製的花膠及鮑魚。陳庭欣透露平日不時下廚慰勞男友:「我平時會煲湯畀男友飲,疫情關係我都留多咗喺屋企煮,又上網睇烹飪節目。」男友可有讚賞她的廚藝?她笑說:「佢實會讚,唔讚就無得再食。」最近張敬軒大爆工人姐姐煮早餐不乏笑料,陳庭欣亦笑指她家中的工人有不少蝦碌事:「我個姐姐只係將啤酒放入紅酒櫃啫,軒仔個工人姐姐勁好多。」

同場的陳詩欣日前為余香凝的婚禮任好姊妹後,被拍得與男友睇樓。是否好事近?陳詩欣笑說:「呢排好多人問我幾時嫁,身邊人仲心急過我。我男朋友當日都有去婚禮,好多人問佢,好似畀咗壓力佢咁。」她表示情侶間當然談過結婚問題,但暫未有詳細計劃:「連我阿媽睇咗報道,以為我(結婚)瞞住佢,我覺得順其自然啦。」

採訪︰Pauline

攝影︰林良明

陳庭欣笑工人姐姐啤酒放紅酒櫃

陳詩欣與圈外筍盤男友感情穩定。