【聲明】港生活網站並無進行電話推廣活動

《拆彈專家2》 劉青雲孭70磅裝備見暈

發佈時間: 2020/11/18

由劉德華監製兼主演的《拆彈專家2》下月上映,新加盟扮「拆彈專家」總督察的劉青雲,拍攝期間經常身穿70磅重的拆彈裝備上陣,令他大呻辛苦。原來青雲首日開工,便要跟華仔拍攝一場「拆彈」戲份,「全副武裝」的青雲在鏡頭前威風凜凜,不過在鏡頭後除下頭盔,他即笑言焗到頭暈暈。但導演邱禮濤笑指青雲當年拍《十萬火急》扮消防員,相信他的體能絕對應付有餘。

問青雲覺得演拆彈專家還是消防員較辛苦?他笑說:「原來做拆彈專家嘅裝備,重過消防員好多。消防員嘅制服唔重,只係氧氣筒重,但如果加埋拍攝過程,就應該演消防員辛苦啲,畢竟拆彈專家唔使周圍跑、上落樓梯,但演消防員就要跑來跑去,體能上付出比較多。」

《拆彈專家2》 劉青雲孭70磅裝備見暈

劉青雲與劉德華在鏡頭後大談美容及車經。