【苦主大聯盟】 張敬軒工人引發暗黑料理潮 《愛回家》風少陳浚霆買大閘蟹滿心歡喜點知...

張敬軒自從每日將工人姐姐的暗黑料理早餐，影相放上社交平台公諸同好後，隨即掀起大家分享家中工人姐姐的黑料理潮，不少人都發現身邊總有一個「地獄廚神」，製作出令人意想不到的地獄料理。不少苦主藝人感同身受，他們的遭遇不比軒仔遜色，顧紀筠兒子陳浚霆（風少）這天在IG Story分享他工人姐姐的最新傑作，單睇一張黑椒炒蟹圖片不會覺得有問題，蟹炒起來色澤不錯加埋醬汁配料，應該味道和口感都不錯，但「亮點」其實這是大閘蟹，再睇埋風少留言，就知道出事了：「話說買咗好靚嘅大閘蟹，本應滿心歡喜回家吃，但係我返到屋企就發現.......」既然生米煮成熟飯，大閘蟹就當花蟹落鑊，風少只得自我安慰：「原來我家裏的姐姐也會給我驚喜的...雖然意識形態唔同咗，但係都總算有得食，意外驚喜。」風少還會苦中作樂，用大大隻字體寫上「感恩」來自娛。

{{hket:inline-image name="03.jpeg"}}{{/hket:inline-image}}

（圖片：陳浚霆IG)

{{hket:inline-image name="02.jpeg"}}{{/hket:inline-image}}

（圖片：陳浚霆IG)

{{hket:inline-image name="10.jpg"}}{{/hket:inline-image}}

（圖片：陳浚霆IG)

女神鄧麗欣（Stephy）同樣受到暗黑料理困擾，她一碟火腿煎雙蛋，兩隻太陽蛋燶邊不得止，形狀亦走晒樣，火腿乾到似月球表面，難怪Stephy要Hashtag張敬軒：「我懷疑我新姐姐想發起挑戰 @hinscheung 個姐姐」，希望軒仔可會給Stephy一些心得和應對措施。另一暗黑苦主陳庭欣，她家中的工人姐姐一樣笑料百出，她說：「我個姐姐都只係將啲啤酒放入紅酒櫃啫，咁張敬軒嘅工人姐姐犀利好多啦。」

【掛住屋企】張敬軒「投訴」外傭姐姐係家務殺手 粉絲擔心:生活拮据定身患重病? 【下一頁】

{{hket:inline-image name="04.jpeg"}}{{/hket:inline-image}}

（圖片：鄧麗欣IG)

{{hket:inline-image name="09.jpg"}}{{/hket:inline-image}}

Stephy 未料到新來的工人姐姐都是暗黑料理派，可以和張敬軒組苦主大聯盟。（圖片：鄧麗欣IG)

{{hket:inline-image name="08.jpg"}}{{/hket:inline-image}}

張敬軒每朝將暗黑早餐放上社交網上，早前就食了一個「敲得響麵包」。（圖片：張敬軒IG)

至於張敬軒的工人姐姐，最新力作就藍莓Pancake，軒仔形容似「煎過嘅百潔布」，當他朝早起床聞到成間屋一陣香味，他九秒九跳落床去刷牙洗面，打算迎接一個久違的味道，當軒仔看到實物，依然是暗黑料理：「呢件作品畀我一種好實用嘅感覺，第一眼望落去有一種似曾相識、唔知係邊度見過嘅感覺，既熟悉又陌生。我Hold住我個諗樣諗咗好耐，吖係呀，喺廚房呀！」眼前的藍莓Pancake令他聯想到百潔布，笑言：「我覺得自己個口係洗碗機。」

{{hket:inline-image name="05.jpg"}}{{/hket:inline-image}}

陳庭欣雖然家中工人姐姐比較失魂，但始終未去到張敬軒的工人姐姐的地獄級數。（圖片：陳庭欣IG)

{{hket:inline-image name="11.jpg"}}{{/hket:inline-image}}

張敬軒的工人姐姐，經軒仔連日「推廣」，成了紅人。（圖片：張敬軒IG)

{{hket:inline-image name="06.jpg"}}{{/hket:inline-image}}

（圖片：張敬軒IG)

{{hket:inline-image name="07.jpg"}}{{/hket:inline-image}}

（圖片：張敬軒IG)

撰文：衛紫敏

馮盈盈忽然富貴傳當殼王陳國強新寵 父親送包保值與前老闆零聯絡 【下一頁】