【聲明】港生活網站並無進行電話推廣活動

張振朗瘋狂健身 賴慰玲激讚腹肌硬到似木板

發佈時間: 2020/11/19

張振朗與賴慰玲因《反黑路人甲》成為新一代熒幕情侶,二人昨日獲邀出席商場活動,他們笑言疫情下難得有機會與粉絲見面兼「搵真銀」,心情開朗不少。振朗為新劇《拳王》瘋狂操肌,人妻賴慰玲更「情不自禁」,high爆大讚對方腹肌結實。

張振朗、賴慰玲及孫慧雪昨日到上水廣場出席聖誕亮燈儀式,振朗開心說:「疫情期間,平時我匿喺廠拍嘢,難得出嚟活動見下人,感受下現場氣氛。」賴慰玲則表示感恩《反黑路人甲》播完,仍有機會一齊出席活動,又即場合唱:「同振朗一齊始終有默契,好似頭先唱歌,有一段獨白大家都唔鍾意,就會諗其他嘢嚟講。」

這對熒幕情侶近日在新劇《拳王》再合作,不過他們只有一場對手戲。賴慰玲說:「但呢場戲足足有八頁紙對白,拍一個take都最少半個鐘,講我主持節目,本來寸振朗,後來被佢講嘅嘢感動到,想幫番佢轉頭。」她笑言下次想跟振朗及蔡思貝合作,希望劇情講述振朗追求她們,振朗聞言說:「或者你兩個演我家姐呢,哈哈!」

振朗拒演初哥哥

振朗為了《拳王》瘋狂操肌,他坦言練大隻過程相當辛苦:「因為要增肌,每日要狂食一公斤白烚雞肉,就算飲水都係以一桶桶去計,所以好大壓力。」賴慰玲對振朗目前的爆肌身形讚不絕口:「我叫佢借嚟摸下,佢真係好硬,我係講佢啲腹肌好硬,摸落去真係好正,好似木板咁硬呀!」

另外,提到無綫明年重拍《十月初五的月光》,不少網民希望貌似張智霖的振朗飾演「初哥哥2.0」,不過振朗未敢接受大家好意:「唔敢呀!『初哥哥』呢個角色太經典,況且我花咗好多時間,先搣甩咗做人哋嘅翻版,希望之後《拳王》畀大家睇到一個新嘅張振朗。」

採訪︰Pauline

攝影︰林良明

編輯:李潔盈

美術:梁政敏

張振朗瘋狂健身 賴慰玲激讚腹肌硬到似木板

張振朗現身商場,吸引不少途人合照。