張曦雯（Kelly）憑新劇《踩過界II》的冷酷美艷律師角色人氣急升，但人紅是非多，盛傳馮盈盈取代Kelly，成為舊老闆「殼王」陳國強的新寵，Kelly昨日表示女人努力工作賺錢，不需要靠男人才能買名牌。
張曦雯昨日穿上火紅tube dress，到銅鑼灣出席以大富翁為主題的商場活動。Kelly坦言疫情下已一年沒出席商演活動，所以不敢加價。近日有指馮盈盈忽然富貴，住豪宅兼大曬價值20萬元的名牌拼色手袋，盛傳她已取代Kelly，成為「殼王」陳國強的新寵，Kelly淡定說：「呢啲報道一直都唔係事實，我明白娛樂圈點都會有呢啲新聞，自己當笑話咁睇，女仔喺呢行賺錢能力都好犀利，所以努力工作搵到錢，可以買自己鍾意嘅嘢，唔一定靠男人。」
問Kelly可有見過殼王？她說：「一年見一、兩次，頒獎禮同台慶。」她輕鬆表示不會因負面新聞不開心，皆因並非事實。她又力撑馮盈盈說：「盈盈好努力工作，相信佢都有能力support自己，女仔買靚嘢唔一定係男人畀錢。」Kelly更大爆外籍同居男友得知報道後感到壓力，她笑笑口指︰「男朋友問我，大家知佢唔係富豪會唔會好失望，又話會努力工作做富豪，佢個反應好搞笑。」
讚男友心中富有
另外，Kelly透露小時候在美國經常跟表兄弟姊妹玩大富翁遊戲，更從中學懂投資買樓，她亦在美國買了一個小型物業給父母收租，認真孝順。Kelly說︰「我努力工作都係想父母有好嘅生活，我細佬仲讀緊書，所以都要養家。（喺香港買樓？）好遙遠嘅目標。（叫男友資助你？）我會靠自己，男友唔係大富翁，佢嘅富有係心靈上富有，唔係錢。」
採訪︰倪小珊
編輯︰李潔盈
美術：梁政敏