譚凱琪（Zoie）上月誕下千金Baby G，日前是愛女滿月的大日子，Zoie特別在家中開派對慶祝，蛋糕上更有Baby G的英文名「Gabri」。產後約一個月的Zoie，穿短裙上陣騷長腿，極速重拾女神身形。昨晚她接受《晴報》訪問稱︰「依家仲未做得運動，平時食得清淡，嗰日食燒肉放鬆一下！」
39歲的Zoie今年二月與圈外男友莊日宇結婚，上月誕下愛女Baby G，日前Zoie在家中為囡囡開滿月派對，並跟足傳統準備紅雞蛋、酸薑等，她亦乘機大快朵頤歎燒肉。Zoie又準備了一個有多隻可愛老鼠仔造型的兩層高蛋糕，為Baby G這位鼠年BB慶祝，囡囡的英文名「Gabri」亦印在蛋糕上，而蛋糕旁的燈牌寫上「Gabri's Fullmoon Party」，相當有心思。
當日Zoie身穿低胸背心配長袖格仔外套，上圍明顯升Cup，下身僅見到一對黑色長襪，修長美腿未見走樣。她並留言︰「我家的Baby G大個女滿月喇，我和BabyG跟足傳統用過碌柚葉洗澡後，幫她穿上新衣服，我亦為她準備了紅雞蛋、酸薑。不過，切蛋糕時Baby G竟然在High Chair上睡着了，不過沒關係，我已經幫她拍下很多照片與短片，待她長大後看回也是一種美好的回憶，我們愛你！」多位圈中好友包括陳凱琳、陳敏之、楊秀惠、龔嘉欣、陳山聰等紛紛留言送上祝福。
飲食清淡保苗條身材
昨晚Zoie受訪時，對於產後身形未見走樣，她直言現時比生B前飽滿，又透露仍未可以恢復做運動。她說︰「依家飽滿咗，要過多一排先可以做運動，但依家比較食得清淡，多數食坐月餐，那天（滿月派對）才畀自己放鬆一下，食少少燒肉！」
問到一家三口低調在家慶祝是否跟新冠肺炎疫情有關？她坦言︰「今次沒有叫姊妹嚟，不過我媽咪有嚟陪伴我哋，都係簡單慶祝一下！」問到何時回歸TVB拍劇，她戲言︰「今年只剩一個多月，所以最快都要下年！」
事實上，自從Zoie產女後，似乎專注湊B，上月尾她曾於IG發文自嘲不知道萬聖節來臨︰「最近整個生活模式改變了，日以繼夜、夜以繼日都是忙於照顧小寶寶。每天過着不知星期幾的日子。」相信這位靚媽仍要一段時間習慣湊B的日子。
撰文︰Steven
編輯︰黃寶恩
美術︰Simon