【聲明】港生活網站並無進行電話推廣活動

「殼王新寵」成台慶焦點 馮盈盈自嘲:咁有新聞價值

發佈時間: 2020/11/20

近日盛傳馮盈盈鍊贏張曦雯(Kelly),成為舊老闆「殼王」陳國強的新寵,因此盈盈忽然富貴住豪宅,兼大曬價值20萬元的名牌袋。昨晚盈盈出席《萬千星輝賀台慶》,自言心情未受影響,但家人卻為負面報道不開心。

馮盈盈、張曦雯、李佳芯、陳豪及袁偉豪等花旦小生,昨晚齊集將軍澳電視城賀台慶。一眾藝人在三廠接受傳媒訪問,期間多人無佩戴口罩,亦沒有保持安全距離,防疫意識甚低。身穿露肩連身裙的盈盈,被問到心情可有受負面新聞影響?她說︰「無話令自己唔開心,只係估唔到自己嘅新聞價值咁厲害,但屋企人唔開心,我反過嚟安慰佢哋。頭先返公司不停有同事問候我,搞到我以為自己有病,仲有人問我有無拎個幾十萬嘅手袋返嚟。」

張曦雯曬長腿吸睛

盈盈昨晚未有與張曦雯碰面,不過她揚言見面也不會尷尬。提到Kelly力撑盈盈努力工作,盈盈亦大讚對方是女神,工作又專業。另外,盈盈直認「加簽」無綫十年:「我一早預咗將青春放喺演藝事業,仲要好大決心,好多朋友都支持我。」至於Kelly昨晚穿上由英國空運抵港的毛毛流蘇裙,大曬長腿,相當吸睛。Kelly昨晚再次支持盈盈:「盈盈賺到錢買貴嘢畀自己好叻,而且佢都解釋咗手袋係爸爸送。」

採訪︰Pauline

撰文︰倪小珊、Steven

編輯︰李潔盈

美術︰梁政敏

攝影︰林良明

「殼王新寵」成台慶焦點 馮盈盈自嘲:咁有新聞價值

張曦雯支持馮盈盈自己搵錢自己使。

「殼王新寵」成台慶焦點 馮盈盈自嘲:咁有新聞價值

陳豪家中有大有細,為免家人染疫,會盡量避免除口罩。

「殼王新寵」成台慶焦點 馮盈盈自嘲:咁有新聞價值

李佳芯昨晚密實上陣,笑言做番自己。