【新冠肺炎+上呼吸道感染】幼稚園取消茶點生日會 港媽不滿：小朋友一定好失望

在新冠肺炎疫情下，逾百間學校同時爆發上呼吸道感染個案，幼稚園及幼兒中心已於上周停課。一名港媽在網上發帖，指有部分家長不滿學校取消派茶點、不舉辦生日會等防疫安排，大呻會令小朋友感到失望。對此，事主不禁怒批：「我唔知呢類阿媽諗乜嘢！茶點同生日會緊要過健康？」

【停課安排．上呼吸道感染】134中小學爆發料進一步惡化，衞生署發停課新指引5大Q&A，詳情即睇：【下一頁】

該名港媽上周四（12日）在網上討論區「親子王國」以「班group 啲家長好煩」為題發帖，表示其小朋友同班同學的家長，非常重視學校茶點及生日會。早前疫情反覆，校方決定取消派茶點，未料卻惹來一班家長怨聲載道，

「班女人就係咁話同自己仔女講咗有茶點喇一定好失望呀咁。乜乜物物。又話灰咗呀，小朋友好期待呀……」

對於該些家長的反應，事主大感無奈，表示自己感謝學校的防疫反應如此迅速，並怒斥：「你哋個仔女返學為咗茶點？佢失望你咪解釋番係乜嘢原因囉！好難㗎咩？」

事主續指，學校原本安排於11月尾舉辦生日會，但上周因本港學校爆發上呼吸道感染個案而停課，因而停辦生日會。未料，此事亦引來部分家長不滿，

「佢哋班女人竟然只係擔心無咗生日會，又好想要生日會……我唔知呢類阿媽諗乜嘢！係咪無生日會個人唔識大一歲？茶點同生日會緊要過健康？」

此事引來網民熱議，不少人批評該些家長防疫意識低兼自私，「其實啲人明唔明防疫大過天」、「最憎啲人成日要周邊人圍住佢子女轉」，有人亦表示「身體健康唔係最重要嘅咩？一陣自己仔女不幸中招，咁點算？茶點生日會呢啲解釋下咪得囉，人生唔係乜嘢都順意，要理解，面對各種困境和不如意。」

但亦有網民為該些家長解釋，「我估純粹呻吓啫……話晒之前大半年都停課……而家又因為多人病再停課，我相信唔多唔少都會唔開心同失望。」，此外，不少同為家長的網民覺得該些群組十分煩擾，坦言很想「退group」，「鍾意無病呻吟，麻煩搵個適合嘅地方去呻……唔好一次過打擾晒家長group裡面20個家長。」

【自私家長】子女發燒仍被迫上學，家長拒早退：畀兩粒退燒藥佢得啦，詳情即睇：【下一頁】

每朝索取《晴報》：精明生活．健康家庭．開心娛樂 

責任編輯：李凱晴