【聲明】港生活網站並無進行電話推廣活動

【1993年港姐冠軍】莫可欣認與方中信多拗撬佛系相處 「希望來世大家唔好再做夫妻」

發佈時間: 2020/11/20

現年51歲圴莫可欣,1993年當選港姐冠軍後,在娛樂圈工作5年便離開外闖。她在2008年與方中信結婚,婚後育有一女符迦晴。日前她接受好友林穎嫺的訪問,提到當年選美經歷,同時講及與方中信的夫妻間的相處之道。

{{hket:inline-image name="vsds.png"}}{{/hket:inline-image}}

前慧妍雅集會長莫可欣鮮有露面。(東星娛樂)

莫可欣於香港長大,後來到瑞士升學,精通粵語、英語、法語、國語、德語。提到當年大學畢業返港,本身是想找工作,並非為選美,「我嫲嫲當年過身,唔知係受到參選廣告影響定係乜嘢啦,我覺得佢報夢叫我去選,咁當時未搵到嘢做就去選。」提到選港姐對她的人生影響,「返到香港有啲唔習慣,選完港姐學識點做人。」

{{hket:inline-image name="b581f4233c88150b852d2602d9445a1c.jpg"}}{{/hket:inline-image}}

1993年港姐冠軍。(東星娛樂)

莫可欣在1994年開始在TVB拍劇,作品包括《刑事偵緝檔案II》、《鑑證實錄》、《陀槍師姐》等。「嗰陣無綫有安排試鏡,不過我覺得自己啲戲好差,份人唔識做戲,本身冇呢樣才能,代入唔到角色,變咗入唔到戲。最記得係《真情》,叫做多人睇。」之後做了幾年《K-100》主持,「試過有人寫信嚟話我有懶音,提醒要改善,可能因為少講廣東話,咁我咪鑽研吓,讀吓報紙,係一個好好嘅經驗。」

{{hket:inline-image name="vsdv.jpeg"}}{{/hket:inline-image}}

加入TVB後有credits拍過的劇集有12套。(網上圖片)

當年她給自己5年時間在娛樂圈工作,最後覺得發展未如理想而決定外闖,「好多朋友話大膽,我做過好多份工,試過去咗一間建築物公司做大老闆嘅助手,陪佢去歐洲傾生意,不過做咗3個月就冇做,可能係唔習慣朝9晚5。試過返到公司打完咭,入咗廁所瞓咗20分鐘,因為太攰。」3個月後自己出來搞生意,又做過形象顧問、紅酒代理,「跟住去咗《MTV》做PR,呢份係我嘅dream job,一做就做咗7年,呢7年好開心。」

{{hket:inline-image name="vdsd.png"}}{{/hket:inline-image}}

接受好友林穎嫺的訪問憶當年。(林穎嫺YouTube影片截圖)

莫可欣與方中信的戀情始於1996年,於2008年結婚。「離開TVB之後,我哋已經一齊,到而家有20幾年。呢樣嘢真係要keep,我哋都唔係日日風和日麗,好多拗撬,完全係兩個世界嘅人。」她續稱:「兩個人一齊咁耐,實有啲嘢唔啱傾,尤其係我哋喺工作性質好唔同,大家步伐都好唔同。如果要維繫,真係大家都要遷就,通常都係佢搵交嗌,我唔係好鍾意同人鬧交,最多都係黑面,但係去到一個點係覺得好辛苦。我會同佢講佛偈,用佛經去解釋呢樣嘢,其實我哋而家嘅夫妻緣,可能係前世有啲嘢未還到畀大家,所以今世互相還番畀對方 ; 所以不如今世對對方好啲,希望來世大家唔好再做夫妻,做番好朋友。還晒啲債,來世咪唔使還債!」她又指信佛除了有助維繫夫妻,還有助於朋友關係及工作。

{{hket:inline-image name="5c2f2c6e03170e3dad6f491a5acf8f0c.jpg"}}{{/hket:inline-image}}

兩人相識20多年,她指相處難免有拗撬,要互相遷就。(東星娛樂)

{{hket:inline-image name="aa3148238be55407a6c8f7cf11157f9bsaasftp20200221.jpg"}}{{/hket:inline-image}}

以佛偈維繫感情。(東星娛樂)

莫可欣現投資開設兒童工作坊,「始終曾經係女強人,停咗落嚟唔係好習慣,喺工作方面經歷咗咁多嘢,有唔少領悟,最緊要其實都係屋企,於是咪搵啲生意做吓,試吓做slime(俗稱鬼口水),估唔到呢樣嘢咁受小朋友歡迎,又係一個好好嘅活動。好想快啲開多間分店!」林穎嫺問她是否眷戀娛樂圈?有沒有復出的打算?「喺個女3歲嘅時候想出番嚟,又好坦白講唔係咁容易。」

{{hket:inline-image name="32f358e5d9339b17a17c27b9593f8683.jpg"}}{{/hket:inline-image}}

婚後育有一女。(東星娛樂)

{{hket:inline-image name="22c52d298f24baefb28c662f28fffe95saasftp20200221.jpg"}}{{/hket:inline-image}}

真是家家有本難唸的經。(東星娛樂)

{{hket:inline-image name="9b5038ae-7d45-4359-a31f-f09b20b8faef_600.jpg"}}{{/hket:inline-image}}

原來男方經常搵交嗌!(方中信微博)

莫可欣收服浪子打破不婚宗旨 相戀23年方中信最愛老婆呢樣嘢…… 【下一頁】