黃日華、苗僑偉上無綫節目《諸朋好友》任嘉賓，提到兩人是「好男人」典範，多年來一條心愛惜太太。華哥在無綫訓練班時和太太梁潔華認識，三哥爆料指當年華哥好受女藝人歡迎，但他用情專一：「讀訓練班時，佢成日嚟我屋企瞓，但識咗佢太太之後就唔見咗人，約踢波都冇興趣，成日掛住拍拖，重色輕友！」同樣感情專一的三哥笑言：「有一個女朋友已經夠煩，唔好咁花心，搞咁多緋聞仲煩！去到呢個年代仲辛苦啦，如果你想偷食仲煩，周圍都係相機，煩到頭都爆啦！」
主持人張秀文笑指華哥屬主動專一，三哥是被動專一，後者坦言：「你可以咁形容嘅，咁我作為一個男人，見到靚女，或者見到一啲啱心水嘅，都會心動，但理智話我聽苗僑偉你係唔可以心動嘅。」有傳五虎中，三哥最怕老婆？華哥搶住答：「唔係佢，係我！」搞到旁邊的三哥失笑。
黃日華感激好友苗僑偉在身邊幫忙，助他走出喪妻之痛。(電視截圖)
每當想起太太離去一刻，都難忍落下男兒淚。(電視截圖)
華哥回想當年拍拖最愛「煲電話粥」，亦會趁未埋位時，摺紙花等小禮物送給梁潔華，「佢開頭收到都好開心，後期佢叫我得閒不如睇劇本，休息一下好過啦，咁辛苦整仲乜嘢！」
同樣是「暖爸」的華哥和三哥，和女兒相處都各有不同。太太離世，令華哥和女兒黃芷晴走得更近，父女情有增無減，「阿女係我一生中上天畀我一份最好嘅禮物，有下一代，等我可以照顧佢、等我可以掛心一下。」三哥稱華哥喜歡做小手作，之前就跟女兒去學做蠟燭。女兒怕華哥這段時間亂想，會抑鬱，「呢半年嚟好多事發生，太太又唔喺度，阿女佢開始獨立，調轉頭照顧番我，原來被照顧都好幸福。」
而三哥的女兒、兒子都在外國生活，現今一代自己想法，不喜歡人管。難怪早前女兒苗彤在網上分享性感泳衣時，三哥開明的說︰「我唔介意，18歲唔著，唔通等60歲咩？趁後生應該做。」
苗彤很有個性、主見，身為老竇的絕對放心，給予她百分百自由及支持。(東星娛樂)
訪談節目上，華哥憶起喪妻的一幕，忍不住落下男兒淚，「目前最難忘嘅一關，係我親眼睇住太太走嘅一刻，呢個係人生嚟，生老病死始終會經歷，而且要接受，大家的緣份係完結咗，冇得再追番嚟、拎番嚟，但感情永遠唔會消失。」三哥同時坦言和太太戚美珍亦有遇上難關，「我同三嫂喺房間厠所入面，大家食住煙，你眼望我眼……呢個畫面係好多年前㗎喇，唔開心嘅畫面特別印象深刻……」
【40年兄弟情】黃日華太太離世後失落無助 感激苗僑偉開解扶持：錢都買唔到 【下一頁】
自太太離世，和女兒的感情變得更親近。(東星娛樂)
苗僑偉稱就算見到讓自己心動的女性，理智會提醒他不要行差踏錯。(電視截圖)
女兒苗彤鬼妹仔性格，三哥覺得趁後生穿得性感點沒有問題。(東星娛樂)
和太太戚美珍結婚多年，承認有遇過感情關口。(東星娛樂)
撰文︰衛紫敏
《踩過界II》王浩信演盲俠靠正義感溝死女 邊個演盲人演到做形象大使？【下一頁】