《萬千星輝賀台慶》於上星期四舉行，TVB藝人傾盡全力演出。當中一個環節是由《功夫新星》出身的容天佑、羅浩銘、阮政峰及譚坤倫等一眾藝人展示高難度功夫，眾人用足一個月時間準備及訓練。容天佑在表演前2日腳筋和肌肉撕裂，仍負傷上陣，當在表演「9連踢」動作落地時不小心「拗柴」。
《功夫新星》出身的一眾藝人表現高難度功夫。(《萬千星輝賀台慶》電視截圖)
容天佑有兩次踢板表演。(《萬千星輝賀台慶》電視截圖)
容天佑接受《晴報》訪問時表示，雖然不幸受傷，但好開心能完成表演，「因為我哋訓練咗成一個月，每個星期至少訓練五日，又因每日都不斷鍛煉，令到表演前兩日腳筋、肌肉撕裂，行唔到，要即刻去睇跌打！中醫話髖關節筋膜炎，要即刻針灸，停止所有運動。但係我仲要表演，所以要頂硬上綵排！」
團體功夫表演井然有序。(《萬千星輝賀台慶》電視截圖)
負傷上陣的他在台上不算太順利完成「9連踢」動作，「台慶前一晚仲要開工，做到凌晨五點，好驚第二日無精神，發揮得唔好，到9連踢最尾跳起身踢嗰一下，落地『拗柴』，痛到跪咗落地！叫做好好彩做完個表演，好感激楊盼盼導師、所有訓練員同埋同事嘅關心同教導，令我振作起來！」
「9連踢」好勁呀！(《萬千星輝賀台慶》電視截圖)
負傷上陣，加分！(《萬千星輝賀台慶》電視截圖)
落地不慎「拗柴」，痛到跪地，要療傷。（受訪者提供）
問到要休養多久，容天佑說中醫要他暫停劇烈運動3個月，但自己都會keep住拉筋，「而家針灸咗好咗少少，盡量慢慢行，揸車都叫朋友幫手揸！」
小小苦楚等於激勵，佢表示會好好休養！（受訪者提供）
另外，在台慶大抽獎時羅浩銘獲頒5萬現金獎，他領獎時不忘建議公司多拍功夫片，這也是容天佑的「心聲」，都想參與其中，「今次表演有部分係以前《功夫新星》嘅同學，距離節目至今差唔多10年，真係希望可以原班人馬開番套武打片！」他指現時忙於療傷，「為下一次嘅功夫表演或者拍戲做好準備！」
「大隻仔」羅浩銘獲得5萬現金獎，更建議公司多拍功夫片。(《萬千星輝賀台慶》電視截圖)
【迷網】容天佑終良心發現自爆情騙高海寧 背住跳海一幕多次NG重拍受傷 【下一頁】
25歲的容天佑自小習武，除了是跆拳道黑帶四段，也是截拳道第五代傳人。約8歲時，他參加TVB節目《有招出招》表演跆拳道、跳舞。2011年參加《功夫新星》後加入TVB，其後修讀第27期藝員訓練班。他入行9年，參演劇集包括《迷網》、《反黑路人甲》等。
自小習武，有台型。（受訪者提供）
唔知幾時再有功夫表演？（受訪者提供）
《迷網》中演熱血編劇，曾誤入歧途，最後良心發現。(《迷網》電視截圖)
【迷網】容天佑演追夢編劇融入司徒家 自小習武是截拳道第五代傳人 【下一頁】
撰文：林惠珊