【聲明】港生活網站並無進行電話推廣活動

戴卡通口罩揸鐵騎兜風 張繼聰鋼鐵身少女心

發佈時間: 2020/11/24

張繼聰和森美不時會撇低老婆約會,皆因他們都是古董電單車發燒友,喜歡與一班「車友」趁放假出車。兩位「中佬」前日又一齊玩車,盡享男人的浪漫。

張繼聰前日在社交網上載騎電單車新相,戴黑超的他有點「未來戰士」look,他更留言大讚心頭好:「Rat bike,真係好有味道,raw味濃。」不過,在擋風面巾裏面竟然是「玉桂狗」卡通口罩,阿聰自爆︰「今日戴錯咗小朋友啲口罩。」他不忘提醒大家疫情出現第四波,叫大家頂住。有網民搞笑形容是:「鋼鐵身少女心。」至於森美昨日亦分享鐵騎型男相,他留言︰「一個沉悶嘅麻甩佬,做嚟做去都係嗰樣嘢,你可以話我古板,但其實我只不過係專一。#鍾情出車。」

戴卡通口罩揸鐵騎兜風 張繼聰鋼鐵身少女心

森美喜歡與「老婆」在公路上浪漫奔馳。