吳若希（Jinny）月頭為老公何兆鴻（Alex）誕下第二胎，囝囝Kylian與3歲的囡囡Giselle湊成一個「好」字。由於佗仔時出現強烈的妊娠反應，令媽媽經常承受劇痛，所以在預產期幾個月前停工，休息養胎。雖然她最後順利產子，卻因佗仔的慘痛經歷而嚇得留有陰影，仲同老公講「想要（第三胎）就搵個二奶幫你生」
Jinny日前在IG上傳抱住Kylian甜笑的相片，表示囝囝已過12朝，可以派薑醋喇！
【勁多頭髮】吳若希提早誕9磅重肥壯囝囝 「希望Kylian既勇敢又有承擔」【下一頁】
Kylian已過12朝，媽媽派薑醋。（吳若希IG）
月初誕下囝囝Kylian。（吳若希IG）
【再次公審】大肚吳若希鬧老公「新寵」垃圾 網民睇唔過眼出錢出力贊助離婚【下一頁】
Jinny正在坐月不便外出，所以買餸的任務就由Alex負責。為免老公買漏買錯，Jinny特意寫下購買清單，讓他可以照單執藥，非常貼心。可是，由於不理解太太所畫的符號，Alex最後仍然「擺烏龍」買錯。
Alex在自己IG上傳太太手寫的購買清單，把「擺烏龍」事件的來龍去脈一一道出。
[處境題]
老婆：我寫低咗要買乜嘢，你幫我去買。
我：Ok!
(A few moment later)
老婆：你做乜嘢買1支蠔油同埋1支蒸魚豉油，而且你做乜嘢買2支茄汁?
我：你張紙叫我咁買㗎喎!
老婆：無可能，邊有可能茄汁會用多個蒸魚豉油？
我：張紙真係你叫我咁買。
老婆：你攞張紙畀我睇睇先（笑住走開）。
對話互動有趣。（何兆鴻IG）
購買清單上寫著：
薑、蒜、蛋一排
雞湯x6大盒
蠔油、蒸魚豉油
—————————————————
大支裝x2
茄汁（亨氏倒開）
可樂、奶、生果（蘋果、甘筍煲湯）
菜、魚
都唔算難睇嘅手字。（何兆鴻IG）
Alex最終買了蠔油和蒸魚豉油各一支，而茄汁就買了2支，Jinny質疑明明蒸魚豉油用得較多，買的數量怎會比茄汁還要少。原來Jinny在「蠔油、蒸魚豉油」一句下劃了一條線，是表示包括蠔油和蒸魚豉油兩件物件（蠔油和蒸魚豉油x2），Alex則誤以為那是一條分隔線。
【直播乜都噏】吳若希爆老公私隱Bob唔識反應 網民冇眼睇：Alex幾時振夫綱？【下一頁】
Alex再次以「小丈夫」姿態「求生」，好低聲下氣向老婆道歉，「老婆，對唔住，可能我唔知條線係『等於符號』。」但又不禁挖苦老婆指示不清晰，「我買少咗，我應該仲買少左2支大支裝嘅薑同埋蒜。」
Alex網上「公審」老婆。（何兆鴻IG）
有網民撐Jinny，指Alex與老婆相處多時依然「唔得醒水」當然亦有人撐Alex，指女方的指示不夠清楚，「老公又唔係你肚入面條蟲……」
亦有人覺得二人只是打情罵俏，大家不必太認真。然而Alex最終沒有道出故事的結局，不知道他是否要為「買餸風波」而要「跪玻璃」。
【誤將囡囡幼稚園面試片放上網】符曉薇為囡囡戒壞習慣陳柏宇心軟 「我老公係一個老鼠屎」【下一頁】
一家三口現在變成一家四口了！（何兆鴻IG）
Jinny和Alex在4年前高調認愛，公開戀情之後頻頻「放閃」，但女方在2個多月後火速自認回復單身。其後Jinny懷上懷孕，二人復合，在囡囡Giselle出生半年後拉埋天窗。
要幸福啊！（吳若希IG）
撰文：梁美賢
責任編輯：黃蘊姿