王菀之拒談「跳舞群組」︰我曾經跳過啫

王菀之（Ivana）、姜皓文（黑仔）及蔡潔等昨晚到九龍塘出席電影《阿索的故事》首映禮，由於近日疫情大爆發，Ivana坦言事前擔心首映未能如期舉行，她表示︰「好彩優先場有去謝票，見到好多觀眾戴口罩支持港產片，好感動，疫情期間都擔心唔到咁多，活在當下。」

Ivana透露疫情下經常「罩」不離口，就算回家探望父母以及跟他們打麻將，她都堅持戴口罩。她說︰「食飯嗰陣要除口罩，就盡量少啲講嘢，入屋前都好多工夫要做，因為門口擺晒消毒用品，要消毒全身先可以入屋，始終屋企有長輩，都要小心啲。」此外，談到近日「跳舞群組」確診者不斷增加，早年曾為演唱會苦練鋼管舞的Ivana笑言︰「我唔係跳開，只係曾經跳過啫，依家我都未必上到條鋼管啦！」

同場的蔡潔日前在觀塘拍無綫劇集《拳王》遭投訴阻街，更有司機響咹宣洩不滿，她澄清︰「嗰日劇情講我喺馬路欄車，所以有句對白講『行開』，亦有響咹，但全部都係劇情所需。」

採訪、攝影︰Pauline