【聲明】港生活網站並無進行電話推廣活動

《踩過界II》床上激吻 蔡思貝信任張振朗無「抽水」

發佈時間: 2020/11/25

張振朗和蔡思貝在熱播劇《踩過界II》有一場纏綿激咀戲,兩人昨日在記者會上重提這幕焦點,振朗笑言:「我同思貝拍攝時都覺得好嘔心,但出嚟效果又幾好笑。」他們透露之後便會找到「解藥」,因為角色關係出現變化。

張振朗與蔡思貝一向好friend,他直言如果女友(楊偲泳)睇到該場咀戲,一定會覺得嘔心,思貝更抵死補充說︰「基本上任何一個識得呼吸嘅物體(睇到)都會嘔,其實我哋豁出去,呢個都係預期效果。」

至於他們所謂的「解藥」,是指兩人稍後會決裂,令人睇到很揪心。振朗表示:「拍咀戲難過決裂戲,因為真係好尷尬。」思貝則笑言她戴上假哨牙,其實拍咀戲沒有感覺,「加上對手係振朗,佢一向都好有風度,唔擔心佢會『抽水』,拍攝前已溝通好接觸邊個部位,就唔會摸錯。」

張曦雯等男神引薦入荷里活

同場的張曦雯(Kelly)日前發布10歲童年照,被指貌似男神吳彥祖,Kelly笑言︰「睇睇下都覺得似,開心嘅,話我似男神,佢依家去咗荷里活發展,如果有親戚角色casting可以搵我!」她又指小時候鍾意笑,外籍男友睇相都讚她得意。不過,男友來港十年仍不懂中文,Kelly笑言要向監製提議在劇集加設英文字幕。

採訪︰Pauline

攝影︰林良明

編輯:陳禮恒

美術:梁政敏

《踩過界II》床上激吻 蔡思貝信任張振朗無「抽水」

Kelly童年被指與吳彥祖「撞樣」。(IG圖片)