「早餐Po」日日追 軒仔苦笑：「遮遮」仲多掌聲過我

張敬軒前晚繼續在紅館舉行第二場演唱會，鄭欣宜、陳家樂、湯怡及馮允謙都有捧場。軒仔前晚換了一件黑色透視西裝褸，前後都若隱若現，他笑言︰「成晚背脊係有啲涼浸浸，哈哈！正所謂趁青春留倩影，幫我影幾張靚相。」不過最抵死還是他又再「早餐KOL」上身，還暗寸「遮遮」（外傭姐姐）︰「呢個咁嘅背脊，一粒瘡都無，就係日日食白粥同麵包食番嚟，我直情開始食到有啲妊娠紋。」觀眾即掌聲及笑聲如雷，軒仔無奈嘆謂︰「你話唱得咁辛苦為乜，『遮遮』仲多掌聲過我。」軒仔又透露「遮遮」懂80%國語，原打算方便照顧來港一同生活的父母，可惜受疫情影響，父母來港的計劃拖足接近一年，軒仔只能靠視像電話與父母聯絡。