【爆Quota？】Google相簿轉收費怎麼辦？5招教你解決

發佈時間: 2020/11/25

Google相簿可以免費而且無限量儲存「高畫質」相片，故一直備受歡迎。可惜，自明年6月1日起，Google將取消免費無限量上傳，之後所有上傳到Google相簿的相片，都將計入用戶的基本15GB免費儲存空間內。如果唔想咁快就爆Quota，或者容量真係「唔夠使」可以點算好？下文即為你解答。

1. 付費
如果你本身係大容量用戶，習慣性每月都會上傳一定數量的相片去Google雲端，咁你應該就走唔甩加大容量的收費：100GB每月15港元、200GB每月23港元，最高更可達30TB，比iCloud和Dropbox還要高。

2. 分散投資
至於本身用量唔少，但又唔想每月俾多15蚊嘅話，呢個時候就要諗吓點分散投資喇。以下有3個免費雲端儲存平台可供參考，這些平台除咗有App外，亦備有自動相片上傳功能，部分完成「任務」後更可加大容量。
-MEGA
-MediaFire
-pCloud

3. 善用工具管理空間
如果平日用量唔算多，唔想開多個平台，咁就可以利用Google的「預估空間可用時間工具」，提醒住自己仲有幾多空間可以用。針對平台日後免費空間有限，Google亦會推出一個新工具，助用戶快速刪除大體積影片，或是拍糊、拍黑的照片。

▲即使Google的免費空間轉為15GB上限，已經比iCloud (5GB)和Dropbox (2GB)要高。

4. 先upload為強
在2021年6月前上傳的「高畫質」照片、影片，之後並不會計自用量，所以不用擔心使用量會在明年6月1日暴增，或者一開始已經超出免費空間。換言之，如果大家現時已有一些大容量的檔案想上傳到Google雲端，就要快手行動了！

5. 自行備份
如無須用到Google相簿的特殊功能，其實可以選擇直接儲存於硬碟，一了百了；在明年新政策下，如超過2年：無使用某項服務，或者無刪除超出免費空間的資料，Google會在電郵通知後的3個月內將資料自動刪除。所以自行備份更可少一份隱憂。

編輯：梁銚玶

接收全方位穩健財富管理資訊，請讚好「健康財富 Wealthy Life」Facebook：https://fb.com/Wealthylifehk/

最新文章