【怪獸家長】集體除口罩影幼稚園畢業相 港媽霸濕地公園草地兇走遊人

近日多間學校爆發上呼吸道感染，幼童衛生情況引起市民關注。一名女事主指日前帶小孩到濕地公園遊玩，巧遇一群幼稚園學童在草披上拍攝畢業相，其家長亦以此為由霸佔草地，阻止其他人在該處玩樂。事主又指幼稚園生嬉戲期間未有戴口罩，認為家長未有為子女做好防疫，認為爆疫「不無原因」，稱「一個病就即刻惹開晒」。

Facebook專頁「生仔要考牌系列」周二（24日）刊登一名已為人母的事主投稿，指日前帶小孩到濕地公園遊玩，兒子甫踏入公園入口即興奮地在大草披往上跑，事主則站在草披下方休息。

家長霸草地為學童拍畢業相

事主稱當時有一群身穿校服的幼稚園畢業生無戴口罩，站在草披上邊吹泡泡邊拍攝畢業相。事主指其孩子還未登上最高處，已被對方其中一名母親揚手禁止接近，示意他「行番落去」。事主認為孩子根本沒有走近拍照位置，且草披範圍甚廣，不懂該名家長何以驅趕其他小孩，遂上前質問「發生乜嘢事？點解我小朋友唔可以上去？」，卻遭另一名港媽囂張反駁：

港媽：「你見唔到我哋影緊畢業相？」

事主：「咁大片草地你哋霸晒？呢度唔係私人地方喎！而且佢（兒子）又唔係行去你影相嗰邊。」

港媽：「佢哋（畢業生）會周圍跑㗎嘛，你咁樣會阻住我哋。」

一名幼稚園生男家長又喝斥事主「叫你哋走呀！」，她指當時自己難「以寡敵眾」，加上成群學童和家長均未有佩戴口罩，為免「生事」遂帶孩子離開草披準備入場。

【無品家長】自私港爸病房除口罩睡病床，大聲講電話嘈醒同房病童，被勸止不斷爆粗，詳情即睇：【下一頁】

無戴口罩四處嬉戲

至下午5時濕地公園關門，事主離場時看到該群學童和家長「霸佔」售賣處附近位置拍照，形容「依然係大人小朋友都無戴口罩」。後來整群學童四處奔跑嬉戲，事主孩子經過時好奇問對方「點解你哋唔戴口罩嘅？」，其中一名港爸卻以兇惡語氣反斥「關你屁事？」。

認為無戴口罩聚集成爆發感染原因

對此，事主不禁諷刺該群家長質素「奇高」，對學童無戴口罩聚集更是愕然，認為幼稚園爆發上呼吸道感染「不無原因」，

「而家上呼吸道感染加（新冠）肺炎咁嚴重都唔戴口罩，一個病就即刻惹開晒啦！」

事主於文末指希望各位家長能「有少少責任心」，注意學童防疫，

「（新冠）肺炎病毒同埋流感係無眼㗎，唔會話佢係Friend就唔會惹到囉！影相時唔戴我明，但影完相就麻煩戴番個口罩啦！你哋咁搞法，一傳十、十傳百，停課只會沒完沒了！」

網民批自私：報警都仲可以

不少網民看到帖文後，均批評涉事家長行為自私，稱「咁巴閉自己Book場影呀」、「一班人唔戴口罩，報警都仲可以」、「講聲唔好意思，我會識做行開，不過呢啲咁嘅態度，我會長企喺附近做布景板」，又稱類似情況於住宅公園亦有發生，指「幼稚園未停課嗰時我樓下都係咁，一放學就除晒口罩喺公園玩足幾個鐘」。

【新冠肺炎+上呼吸道感染】幼稚園取消茶點生日會，港媽不滿：小朋友一定好失望，詳情即睇：【下一頁】

文章獲Facebook專頁「生仔要考牌系列」授權刊登。

每朝索取《晴報》：精明生活．健康家庭．娛樂資訊

撰文：蘇麗儀