在《使徒行者3》中，林景程飾演社團大佬龐浩洋 (張振朗飾) 的手下King，他為了讓大佬成功當選龍頭，不惜威脅竇亞希 (蔡思貝飾) 潛入對頭符碌 (戴耀明飾) 的賭場破壞server ; 後來與想要改邪歸正的浩洋對著幹。不少網友指林景程今次演壞人，不再演傻更更、戇直類角色，令人眼前一亮。
King是位忠誠的助手。(《使徒行者3》電視截圖)
不過為了對付對手，不惜不擇手段。(《使徒行者3》電視截圖)
仲同想改邪歸正嘅大佬對著幹。(《使徒行者3》電視截圖)
同張振朗嗌交有火花。(《使徒行者3》電視截圖)
林景程接受《晴報》訪問時表示︰「平時一直演專業人士、戇直或者傻更更嗰類角色，今次都算係相對最壞一次喇！」
平時做開戇直類角色，今次演壞人。(《使徒行者3》電視截圖)
林景程續稱，演員比較被動，「其實都冇特別想洗走傻更更形象嘅，基本上公司叫我演乜嘢我就演乜嘢，可能演來演去都係分派一啲類型相似嘅角色畀你。作為演員都想試下自己闊度，所以開心今次演到同平時完全唔同性格嘅人物，可以睇下會唔會開發到另一個自己。好好彩《使徒3》裡面，監製、編審寫個壞壞哋嘅角色畀我，等我有機會可以體驗唔同嘅野。始終現實嘅人生，肯定唔會有機會做黑幫惡人打交斬人嗰啲啦！」
做演員就係想體驗喺現實人生經歷唔到嘅事情。(林景程IG)
而在《踩過界II》中，林景程由黑幫到演律師，多次演律師的他駕輕就熟，笑指：「暫時就冇將黑幫、律師角色混淆，始終兩個劇造型同人物經歷都完全唔同！」
入行以來演過唔少次律師。(林景程IG)
林景程入行11年，多年來都是演配角為主，他在2012年開始拍劇，如《On Call 36小時II》、《四個女仔三個BAR》、《三個女人一個「因」》及《是咁的，法官閣下》等。今年參演不少劇集，觀眾比較深刻相信是他在《殺手》中飾演戇直的小秉，最後被Parker（謝東閔飾）虐殺至死，下場悲慘，睇到好心悒，覺得他死得好無辜，令人印象深刻。
多次做律師，這次是黃智雯徒弟「白狀」。(《三個女人一個「因」》電視截圖）
演大律師「布仲謙」。(《是咁的，法官閣下》電視截圖）
《殺手》入面小秉下場好慘，觀眾睇到好心悒。(《殺手》電視截圖)
【殺手】戇直林景程慘被謝東閔虐殺至死 小秉拍搞笑外傳竟然遇上群姐？ 【下一頁】
撰文：林惠珊
責任編輯：楊安莉