跳唱快歌被讚似陳慧琳 鄧佩儀：搞到我心花怒放

鄧佩儀（Gloria）前晚錄影無綫音樂節目《流行經典50年》，一身黑色野性打扮的Gloria，施展渾身解數又唱又跳容祖兒快歌《隆重登場》，但她的造型和台風都充滿陳慧琳（Kelly）影子，Gloria笑言苦練兩日跳舞都值得。

鄧佩儀、麥秋成及李君妍等嘉賓，前晚在節目上大展歌喉及舞姿，身形清減不少的Gloria，跳舞時活力十足。對於被指演出激似天后陳慧琳，Gloria開心表示︰「多謝讚賞，近年有好多人都話我似Kelly，當然佢靚過我好多，我極度欣賞Kelly，佢係我心目中嘅女神，平時做商演我都會唱佢啲歌，所以聽到人讚我似佢，搞到我心花怒放。」Gloria又透露本身沒有舞蹈底子，故在家中練習了兩日，幸好正式演出時沒有甩漏。她解釋︰「平時都有喺社交平台畀粉絲點歌，由我自彈自唱，最近同譚嘉儀入錄音室錄咗一首《告白氣球》，聽到自己把聲有啲唔慣，但都好期待隻歌出街。」

家燕姐消毒藝術學校

主持薛家燕透露在疫情影響下，聖誕節不少工作已取消，未有計算損失，她說︰「驚計完心情唔好，惟有安慰自己下年先賺番，連外地騷都推咗，無辦法，健康最重要，我個女肯定唔准我做，希望到農曆年可以做。」談到近期疫情爆發，她不但聘請清潔公司為旗下的藝術學校消毒，學生亦改為網上授課，家燕姐續稱︰「希望消毒完，大家唔使擔心，我哋共同努力度過難關。」

撰文︰倪小珊

編輯︰陳禮恒

美術︰梁政敏