【聲明】港生活網站並無進行電話推廣活動

男友捲入CEO「BB經手人」風波 陳庭欣直言唔開心

發佈時間: 2020/11/26

無綫藝人謝可逸早前被爆搭上失婚醫學美容公司CEO方潔盈(Jathy),並與Jathy跟兩任前夫所生的一子一女關係良好。有傳Jathy當年想過找陳庭欣富貴男友楊振源(Benny)「食死貓」,把BB當成Benny的骨肉。

陳庭欣昨晚出席首映禮時,明顯是有備而來,她說︰「我都唔知講咩好,都有朋友畀我睇過報道,我唔係直接認識嗰個女仔(Jathy),如果件事係真,都係幾年前嘅事,流出嗰條聲帶同啲message,我都唔係100%知道真偽。」問她男友可有提及事件?陳庭欣續稱:「我哋仲未確定成件事係點,希望對方將感情事處理好先。佢(Benny)都唔知成件事邊啲真、邊啲假,亦無特別去做啲乜嘢。」陳庭欣直言發生此事當然不開心,並謂︰「我都畀人拉落水,如果對方搞清楚成件事,希望都可以通知我一聲。」

男友捲入CEO「BB經手人」風波 陳庭欣直言唔開心

Benny(右)被傳曾與方潔盈拍拖。 (資料圖片)