洪永城求婚成功？ 梁諾妍︰唔排除旅行閃婚

洪永城（Tony）與拍拖兩年的女友梁諾妍（Inez）感情穩定，男方早已購入觀塘物業準備築愛巢。近日傳出Tony已向女友求婚成功，二人更拖住愛犬出街，似足預演做父母，不過Inez笑住否認婚訊：「哈哈！好搞笑，點解我唔記得同唔知道Tony向我求婚？其實我哋真係鍾意小動物，因為家庭成員Coco年紀開始大，都想陪佢多啲去唔同地方散步，所以我哋有時間就會同Coco周圍去，順便拍下拖增進感情。」

Inez表示結婚一事順其自然：「大前提係我哋都會把握每一個工作機會，可能有一刻大家心靈相通，會突然去旅行閃婚都唔定！」