ViuTV金牌監製花姐（黃慧君）是《全民造星》的推手，現時節目已經進行第三屆，繼續成為網友討論的熱話。近日花姐接受王耀祖香港電台節目《音樂說》訪問，大談她的入行經歷，主持人讚她為年輕人圓夢，花姐稱不敢當，「事關出發點並非偉大，只是製作節目，後來慢慢畀參賽者感染到。」花姐說：「第一個感動我的是Jer（柳應廷），喺《全》第一回合就被人叮走咗，佢好唔開心行出廠外面，我見到佢喊，我個節目聲稱要為人完成夢想，但其實當下我反而扼殺咗佢。我好唔開心，某程度都摧毀咗一啲年輕人。」她直言每次開新一季節目都好大壓力，因會傷害不少人，「身為監製，又為咗節目效果，鬧得比較狠，節目出街之後，參賽者一定會受好大影響。」
《愛回家》播足七日晚晚有客串嘉賓 細細粒扮惡死監製「瓜姐」今登場【下一頁】
有睇《全民造星》的觀眾相信對花姐並不陌生。(香港電台Facebook）
王耀祖最後得到藍燈定紅燈？(香港電台Facebook）
花姐表示自小的志願是想做超級市場收銀員，「就算我入咗行做導演，都偷偷地去做便利店收銀員，越做就越發覺自己唔太適合。後來做電視台監製，我都照做電召司機，過程中同客人傾偈，接觸到更多人，我好享受，因為我曾經都諗過做社工，不過朋友笑我傻。」
花姐1992年入行，由電視台助理編導 (PA）以一年時間火速升上導演之位，她直言入行接近30年來最挫折一次是在TVB擔任《勁歌金曲》導演時，「當年加入咗節目幾年，同事們對我都很信任。」後來節目換監製，雙方對樂壇和節目的看法存在分歧，經常有磨擦，該監製更當眾喝罵花姐，「你做唔到嘢！你諗法唔得，你唔好得得戚戚、招招積積！」一向好勝的她，感到受辱，即時辭職。
「跟住半年我都好唔開心，直情懷疑自己，有諗過放棄，浪費咁多時間都係白費，當時大約入行七至八年。而家諗番就發現我性格係有缺憾，改一改表達方法會唔會好啲呢？呢件事上我唔係錯晒，嗰位監製都唔係錯，不過佢鬧我傷害咗我。」花姐後來轉去ViuTV，同樣遇到樽頸位，構思真人騷時一直都sell不到好橋，幾乎全遭老闆棄用，幸好後來對方放手讓她試，最終《慳D啦Honey》亦非常成功。
《全民造星III》袁晴晴被花姐斥人前人後兩個樣 曾偷電話留案底網上照「騙」【下一頁】
花姐在節目中稱一直視張國榮和林憶蓮為偶像。(香港電台Facebook）
MIRROR絕對係花姐代表作。（黃慧君IG)
她說自己不是慈禧太后，只是工作方式「好急」，亦不想輸。(《全民造星III》電視截圖)
她在鏡頭前毒舌，原來壓力都好大。(《全民造星III》電視截圖)
主持王耀祖得知，花姐曾經因為被人揶揄外貌而將長髮剪短，改變打扮，她說：「當時只係為啖氣，點解佢哋未接觸我就判定我嘅工作能力係低？就係因為我外形？女仔人家陰聲細氣，就覺得我唔得，所以我咪改變自己！」笑言此決定對她的打擊很大，因為當時男友認為她刻意改變去遷就同事，於是提出分手，「我覺得呢個先係我，我就係唔認輸嘅人！」最終跟男友復合、結婚，育有兩子，「其實我私下都係小鳥依人嘅小女人，不過當工作忙碌，個人太急太躁，老公就會投訴『詐型』。但睇住兩個仔，心態會好番好多。」
不時上載跟丈夫的合照放閃。（黃慧君IG)
花姐直言被兩個仔感染，慢慢改變自己個性。（黃慧君IG)
花姐稱自小志願是做超級市場收銀員？（黃慧君IG)
責任編輯：楊安莉