【踩過界II】張振朗水底被義肢箍頸昏迷險死 姜麗文人工呼吸加重蒜味點頂？

姜麗文 (Lesley) 在無綫台慶劇《踩過界II》飾演重案組督察江寶釵，是私家偵探谷一夏（張振朗演）的前度女友，兩人對手戲最多。剛播出的第8集，講一夏為阻止潛途離港的疑犯向榮（陳國峰飾），二人在碼頭糾纏間齊齊墮海，一夏在水底搏鬥時不敵向榮，被拔掉義肢之餘，還遭箍頸弄暈，寶釵趕至飛身落海救起昏迷的一夏，最後女方給男方施以人工呼吸，救回一命。

{{hket:inline-image name="02.jpg"}}{{/hket:inline-image}}

張振朗和陳國峰在水底打鬥，前者被箍頸險死。(電視截圖)

{{hket:inline-image name="03.jpg"}}{{/hket:inline-image}}

姜麗文說跳海戲是一個難得經驗。(電視截圖)

{{hket:inline-image name="06.jpg"}}{{/hket:inline-image}}

劇情要到寶釵（姜麗文演）落水勇救前度男友一夏（張振朗演）。(電視截圖)

Lesley接受晴報專訪，講到和張振朗攝拍這場「咀戲」，還以為會緊張又尷尬，點知鏡頭以外，她竟然趁機整蠱張振朗，「拍攝前我專登食咗20粒蒜頭，係特登玩佢，但佢都唔弱，話我知佢都啱啱食咗咖喱牛腩飯……」未料到男方會「反整蠱」，嘴咀完之後，Lesley笑言：「都唔好玩，佢話都唔臭嘅！其實我都聞唔到佢啲咖喱味，即係話大家都冇晒味覺、嗅覺？」

【踩過界II】張曦雯曬童年照成「無添加」鐵證 被指撞樣男神：明明係吳彥祖個女 【下一頁】

{{hket:inline-image name="10.jpg"}}{{/hket:inline-image}}

姜麗文為拍呢場人工呼吸戲，專登食大蒜來整蠱張振朗。(電視截圖)

{{hket:inline-image name="11.jpg"}}{{/hket:inline-image}}

張振朗唔知有冇聞到大蒜味呢？(電視截圖)

論拍劇資歷張振朗是Lesley前輩，不怕惹怒師兄？Lesley果然膽生毛，「咪由佢嬲囉！其實佢性格超Nice，又玩得，我知佢唔會嬲，先夠膽整蠱佢啫！」至於二人及陳國峰在水底的畫面，是以吊威也加上綠布景拍攝，再加後期CG而成。在花絮片段中，見到兩男在綠幕前被吊高，模仿在水底打鬥的動作，張振朗稱他們在空中吊了5、6個小時，大量動作戲及落水戲給他大顯身手的機會。

{{hket:inline-image name="13.jpg"}}{{/hket:inline-image}}

張振朗、陳國峰水底激戰，是在綠布景下拍攝。(電視截圖)

{{hket:inline-image name="16.jpg"}}{{/hket:inline-image}}

吊住威也，身手依然唔錯。(電視截圖)

{{hket:inline-image name="17.jpg"}}{{/hket:inline-image}}

一班《踩過界II》演員為張振朗慶生。(張振朗IG)

撰文︰衛紫敏

【奇聞】Regen床上開直播中途大覺瞓 網民留守觀睡相 最終點收科？ 【下一頁】