袁鎮業在《使徒行者3》飾演呂合星(呂Sir),與林峯飾演的爆seed有不少對手戲。袁鎮業入行8年,投考第26期無綫電視藝員訓練班入行,參演過不少劇集,又拍過不少廣告。
呢套係佢從演以來戲份最多嘅劇集。(《使徒行者3》電視截圖)
劇中最初同林峯不和。(袁鎮業IG)
劇中提到合星去看兒子正植的球賽,他見到正植用爆seed教的方法踢球,合星覺得爆seed教壞了正植,更叮囑正植不要再接近他,與爆seed保持距離。之後袁鎮業會與林峯有更多對手戲。
佢係正植嘅養父。(《使徒行者3》電視截圖)
叮囑正植不要再接近爆seed。(《使徒行者3》電視截圖)
好著緊仔仔。(《使徒行者3》電視截圖)
袁鎮業接受本報訪問,表示今次於《使徒行者3》中的角色有好大發揮空間及挑戰性,「第一次演人養父,又要經歷喪妻之痛。之後又遇上兒子生父林峯,好憎恨佢之餘同時又好錫佢個仔,角色有種好大反差,要經歷好多心路歷程。」
張寶兒於《使徒行者3》飾演袁鎮業妻子。(袁鎮業IG)
他又指與林峯有最多對手戲,而原來本身他與林峯有好大淵源,「未入行前,我是一個舞蹈員,曾為林峯演唱會做伴舞,又幫佢拍過MV,當時已經好欣賞佢。之後入行後又合作過幾套劇,記得有一次同林峯食飯,佢老婆張馨月嚟探班,峯哥即刻向佢介紹我。林峯真係好好,肯教我做戲,又係監製面前推舉我;仲會係伴侶面前介紹我,拍呢套劇令我好開心同感到好溫馨。」
同林峯有唔少對手戲。(袁鎮業IG)
33歲的袁鎮業於就讀副學士期間曾多次代表學校參加大專院校的舞蹈比賽,修讀舞蹈專業課程之後成為職業舞蹈員,曾為張學友、鄭伊健、林峯等的演唱會伴舞。身型高大的他原本打算透過參加《香港先生選舉》入行,「想借參選港男做踏腳石入娛樂圈,所以不停操FIT自己。」但由於選舉在2012年起停辦,他改為投考藝訓班入行,並是該期藝員訓練班的班長。「訓練班對我嚟講係好寶貴嘅經驗,不過同香港先生最唔同係香港先生有名銜,位置會靚啲,不過入咗訓練班都係一件好事,可以磨練自己。」
入行8年。(袁鎮業IG)
外表有啲似韓仔。(袁鎮業IG)
身材高大。(袁鎮業IG)
入行8年,袁鎮業曾參演多套劇集,如《愛回家》、《一屋老友記》、《棟仁的時光》與《跳躍生命線》等,亦正亦邪角色都能駕馭。另外,而原來他曾參演多次《愛.回家》系列,做過保鏢、記者、伴郎、殭屍、色魔、獸醫、地產經紀、拉丁舞者、男模特兒、Bartender、婚姻註冊署職員、徐醫生、初戀情人蕭國華、拳王蔡比利、KOL化妝師、電影男主角、韓星玉樹、子雄情人Kenny以及推銷員蝦條哥Kelvin、石如剛、朱公子等,不過卻暫時未有一個長駐角色。
他又表示2年前除了拍劇外,他也開始接觸舞台劇,更擔正做男主角;又轉戰網上平台拍片,「由於年輕新一代鍾意網上平台,所以想擴闊自己觀眾群,希望透過拍片帶多啲歡笑畀大家!」
客串一集演「朱公子」。(袁鎮業IG)
再客串推銷員蝦條哥Kelvin。(袁鎮業IG)
未知會唔會有《愛回家》長駐角色?(袁鎮業IG)
【使徒行者3 X 踩過界II】蔡思貝張振朗連出兩劇觀眾睇到亂 原來有超過10個演員「老是常出現」 【下一頁】