【Staycation】港夫婦住酒店自行搬床 因一件事需賠$5000：係我哋理虧

受新冠肺炎疫情影響，市民暫時未能到海外旅行，不少人遂到酒店Staycation。一名人妻近日分享，日前與丈夫到酒店住宿期間，自行搬動房內單人床，意外弄破床頭布牆，退房後酒店要求賠償5,000元，事主自感理虧並願意賠償，事後將經歷分享至社交平台提醒網民要留意。

一名女網民上周五（27日）在Facebook群組發文，表示近日跟丈夫預訂酒店雙人床套房Staycation，登記入住時希望加錢升級至海景房，櫃檯職員指該房型只剩下2張單人床套房選擇，但可免收300元升級費，事主便欣然答應。

進入房間後，事主見2張床僅相距約一尺半（約45厘米），遂與丈夫合力搬動其中一張床，將2張單人床合併成一張大床。

疑搬床時𠝹破床頭布牆

直至翌日退房回到家中，事主卻收到酒店的電話和照片，指職員清潔房間時，發現床頭位置的布牆被𠝹開，形容裂痕「大約係一支筆嘅長度」，形狀類似「左右掉轉『7』字咁樣」，露出少許棉花，事主坦言看到照片後「真係嚇親」，卻不肯定是否移動單人床時所造成，

「因為推嗰時又感覺唔到及聽唔到有撕裂布嘅聲音，張床有少少重，都要慢慢推，唔係好快咁推得郁。」

【早餐爭議】遺失餐券遭酒店拒絕用餐，港媽盛怒報警惹網民熱議，詳情即睇：【下一頁】

自認理虧賠償$5,000

事主隨即向職員解釋，指床頭跟布牆尚有2吋（約5厘米）距離，強調「未必係我哋整到」，但始終是自己擅自搬動房間物品，認為「理虧係我哋」，為免「拗來拗去」，決定接受酒店的賠償方案，當晚向店方賠償5,000元，事後發文徵詢網民意見：

「我寫上嚟唔係想分析件事邊個啱邊個錯，只係想知大家有冇遇過/聽過類似情況而要賠錢畀酒店呢？」

網民：下次都係搵酒店職員搞

不少網民看到帖文後，均稱讚事主有承擔：「樓主有格、有人品，做過會負責，不會無賴抵賴」、「欣賞樓主承擔後果」、「多謝你分享呢個經驗畀我哋，我哋下次租房都要特別注意了」。有人則提醒酒店房內物品「唔好亂郁」，「所有破壞都要賠錢，哪怕只係跌爛隻杯」、「如果要搬床正式係打去前檯搵人搞」、「酒店本身配置嘅嘢，其實都唔應該亂郁」、「其實郁動房內傢俬，就有機會整爛牆身或地氈」。

此外，有網民分享自身經歷，「當年朋友把洗濕咗的衣服放在椅背上，想利用房內冷氣弄乾，點知脫色染到椅上，賠咗$3,000」、「喺英國酒店試過自己搬細床，刮花牆一大條痕脫灰，都係賠錢」、「因為皮膚問題一直搽藥膏，點知原來藥膏有輕微甩色會染到枕袋被套，酒店話洗唔甩要賠，我哋賠咗」。

【酒店Staycation】深圳五星級酒店被爆清潔黑幕，浴巾抹廁所擦漱口杯不消毒【附15大酒店播毒位】，詳情即睇：【下一頁】

每朝索取《晴報》：精明生活．健康家庭．娛樂資訊

撰文：蘇麗儀