同事結婚｜女高層第4次結婚 下屬嘆5年內收3次紅色炸彈：唔去唔畀面上司

隨著社會風氣開放，離婚或再婚已不是新奇的事。有網民透露其親友的女上司最近正籌備第4次婚禮，而其親友於5年間已3度收到該名高層所派發的「紅色炸彈」。對此，親友亦無奈表示會「畀面出席」，稱「唔好意思唔去，話晒係上司」。

有網民周三（25日）在討論區「親子王國」以「同一女高層第三次派紅色炸彈」為題發文，指其親友在5年內第3次收到公司一位女高層發出的結婚請帖， 這次亦是女高層的第4段婚姻。親友表示，女高層並未對讓公司同事得知自己再婚而感到尷尬。事主親友雖心不甘情不願，但就仍然會「畀面」出席：

「唔好意思唔去，話晒係上司，唔去唔畀面！」

帖文引起網民討論，不少網民好奇該女高層必有其過人之處才會桃花不斷，稱「應該欣賞高層有本事嫁咁多次」、「嫁完一次又一次，好有市場喎」，又笑言對方「可以開班授徒」。事主又補充指女高層貌似40多歲，已是4孩之母且3位孩子姓氏各異。

另有網民猜測，樓主親友應該在該間公司打拼多年，揶揄他有幸出席同一個同事的第3場婚禮，「可能係老臣子，有呢個榮幸收三次！」另外亦有網民分享朋友3次結婚經歷，

「最後嗰次有個一齊被炸（收到請柬）三次嘅朋友唔識死咁係佢敬酒時話：『呢間最唔錯，下次再結可以諗返呢間』。而佢真係再離婚，宜家呢個男朋友都拍咗一段日子，久唔久見佢Facebook放閃時都會諗返起敬酒嗰幕。」

【人情問題】生活拮据封$320人情 被嫌太少無禮餅收當面羞辱 新娘母親：無法回本，詳情即睇：【下一頁】

每朝索取《晴報》：精明生活．健康家庭．開心娛樂

撰文：林幸琦