《愛回家》譚道德陳榮峻揸的士獲黃霑賞識引薦入行 曾為養家瘋狂秘撈揸埋綠Van

《愛回家之開心速遞》「KC」歐瑞偉和「譚道德」陳榮峻日前接受楊紹鴻、江美儀電台節目《一起走過》的訪問，江美儀指《愛回家》大受歡迎，衝口而出說：「冇佢哋個節目，公司執笠都得喇！咁係呀嘛，最賺錢係佢哋節目，我份糧都係佢幫手出！」楊紹鴻指他們兩人都是捱出頭來。

陳榮峻1977年是佳視武師初哥，由於新人工作量不多，要兼職冷氣技工，他表示：「佳視執笠正正係我生日嗰日，好傷感。」後來他轉行做的士司機，沒想到遇上第一位伯樂，正是他乘客黃霑，「佢由皇室堡上車去大坑道，我請問佢大坑道邊一度，佢就答我，咁我唔該佢，點知霑叔話『你唔係揸的士嘅，的士佬點會講唔該吖？』我話自己都有做冷氣嘅，佢話都唔似，冷氣佬唔會唔講粗口，後來佢話『𡃁仔，揸的士、做冷氣嘥咗你，考訓練班啦』。」陳榮峻自卑只有小學畢業，怕不能夠考入最低中學畢業學歷要求的藝員訓練班，黃霑即時霸氣問他取電話號碼，後來陳榮峻就收到TVB電話通知。

【《愛回家》譚校長】陳榮峻65歲生日獲囝囝送上蛋糕 願望與太太吳香倫健康走下去【下一頁】

{{hket:inline-image name="20201123114701_2000746873.jpg"}}{{/hket:inline-image}}

(《一起走過》Facebook）

{{hket:inline-image name="haungzhan.png"}}{{/hket:inline-image}}

黃霑坐的士都不忘發掘演藝界新人。（網上圖片）

入行之後，陳榮峻稱收入不多，要繼續秘撈，除了揸的士外，還考獲電工、電力鍋爐、導遊等牌照。江美儀直言自己未入行前坐過他所開的專線小巴，陳榮峻說：「架車石排灣去舂坎角，公司要求20分鐘要到，（咁多嘢撈？）你知我哋人工幾多，我又勤力，生完大仔仲唔夠，仲整多對龍鳳胎。」他憶起當年接拍《楚留香之蝙蝠傳奇》(1984年，監製蕭笙、楊紹鴻為製作統籌) 時，入行以來第一次要求蕭笙叔和藝員科不要找他出任第二男主角，「我捱唔住，我會死呀，我想做反派。點知蕭笙叔用粗口問候我，叫我要講就自己同藝員科講。」

{{hket:inline-image name="youtbe.jpg"}}{{/hket:inline-image}}

陳榮峻當年仲拍過卡拉OK的MV。（網上截圖）

其實陳榮峻和歐瑞偉都是蕭笙叔的愛將，每次開劇都一定預他們。歐瑞偉說：「第一位要感激嘅一定是蕭笙叔，我入行嘅恩師，另外監製文偉鴻、黃偉聲，同埋珍姐曾勵珍 ; 有次我拍《愛回家》編審想我剃眉扮女人，珍姐一句唔可以，要改用化妝，嗰次之後珍姐都望一望我條眉，大家慢慢建立個關係，如果出面有其他嘢拍，佢都肯放我出去。」

歐瑞偉說跟陳榮峻的合作，始於《食為奴》(2014年) 一場動作戲，他被人用粗繩吊高，稍為差池繩索就會傷及眼和面部，他交由陳榮峻負責拋繩，非常信任對方，「可惜因休息不足，吊上去時休克！」他同時表示非常欣賞前輩羅樂林，「佢拍嘢從來冇怨言或脾氣，言行舉止絕對值得學習。」

《愛回家》KC由廢柴變身超強鐵腿殺手 58歲歐瑞偉吊威也對打戲親身上陣【下一頁】

{{hket:inline-image name="T8_600.jpg"}}{{/hket:inline-image}}

歐瑞偉不時在《愛回家》扮女人演出。（《愛回家之開心速遞》電視截圖）

{{hket:inline-image name="weee.jpg"}}{{/hket:inline-image}}

大讚羅樂林沒有脾氣。（《愛回家之開心速遞》電視截圖）

陳榮峻答謝蕭笙叔之餘，亦感激黃日華、苗僑偉和秦沛，「黃日華係我前輩，雖然我老過佢，佢好照顧後輩，知我窮，用好多唔同形式去接濟我。」也難忘自己太太因病離世時，曾勵珍即時致電安慰，更主動為他調動工作安排，讓他好好處理太太的身後事。一眾前輩中，陳榮峻對秦沛特別難忘，「我初初入TVB，做新人，梗係帶劇本入廠，點知有導演冇帶就拎咗我劇本，因為咁我畀監製召見，點知秦沛走去同高層劉天賜講出真相，代我出頭，係導演冇帶劇本唔係我。」

{{hket:inline-image name="K17_600.jpg"}}{{/hket:inline-image}}

陳榮峻在《愛回家》飾演譚道德大受歡迎。（《愛回家之開心速遞》電視截圖）

{{hket:inline-image name="chun2_600.png"}}{{/hket:inline-image}}

陳榮峻難忘秦沛為他出頭。（《踩過界II》電視截圖）

責任編輯：楊安莉