方中信與林國斌任無綫清談節目《諸朋好友》做嘉賓，前者生於澳門，年少時家姐建議他去當模特兒，沒料到做著做著又變了去拍戲，方中信笑言：「後生乜嘢都試下囉，做特約演員幾百蚊拍幾粒鐘，好爽喎。」因外型高大靚仔，出道一年已經當男主角，「(演技) 慢慢磨應該磨練唔到出嚟。」與當年性感女神夏文汐拍電影《朝花夕拾》(1987年)。
不過，火速升呢做男一對方中信來說不算樂事，他坦言每日開工畀人「問候」，「嗰時電影圈階級觀念好重，有經驗啲、或者老一輩嘅工作人員，自然有佢哋嘅台型，我哋剛入行好慘，每日開工都畀人問候，做咗年幾先叫好啲！」
方中信和林國斌私交甚篤，兩人自稱是牛字派，似隻蠻牛般衝動。(電視截圖)
十多歲就畀家姐叫去當模特兒，沒想到會當了演員。(電視截圖)
方中信也很老實，「我係牛字派（衝動），說話得罪人多，稱呼人少，太心直口快，咁多年嚟喺圈中都得罪唔少人，唔係鬧人，而係太直，有乜嘢喺心都講咗出嚟先，點知就得罪人！最後我同自己講，有乜嘢講三成算，七成就留畀自己分析。」
【1993年港姐冠軍】莫可欣認與方中信多拗撬佛系相處 「希望來世大家唔好再做夫妻」【下一頁】
與夏文汐合拍電影《朝花夕拾》。（網上截圖）
自言太愛將「心嗰句都講埋出嚟」，最後得罪人而不自知。(電視截圖)
回顧方中信得罪人事件簿，相信最大鑊一單是遭無綫下「封殺令」，1992年他加盟後，與鄭伊健、邵美琪拍《九反威龍》，之後與王菲、林保怡合作演出奇幻劇《千歲情人》。本來發展不錯，可惜衰在脾氣差太率直，有次方中信不滿監製、導演拍攝出來的成品與劇本完全是兩回事而得罪TVB高層，最終遭封殺而被迫離開無綫。
經歷封殺事件，方中信捱了兩年，「在家中冇工開」，幸獲杜琪峯賞識，簽他入嘉禾拍戲，重出生天。嘗過人生谷底，當然有所領悟，「學識少講為妙，經一事，長一智，累積太多無必要嘅經驗，所以到而家就唔好講太多。」至於被封為「東方李察基爾」，他竟不享受，「唔鍾意，你哋唔好成日講佢，人哋都七十幾歲，你去問啲後生女知唔知邊個係李察基爾？佢哋只識東方呢個，唔識西方果個，咁就無謂啦！」
方中信笑稱不想做李察基爾，因年輕女仔不知李察基爾是誰。(電視截圖)
被無綫封殺兩年後，2000年又回舊公司拍劇，其中一套是《烈火雄心II》。(網上截圖)
方中信和莫可欣結婚12年，育有一女符迦晴。(方中信微博)
撰文︰衛紫敏
《暖男爸爸》 鄭中基逆市拍片喪吸17萬粉絲 一家四口過億淺水灣獨立屋曝光 【下一頁】