【阿媽曾被呃8萬】黃建東遇點數卡騙徒出絕招擊退 「可唔可以畀多啲耐性氹我落疊...」

黃建東媽媽2年前被「點數卡黨」呃走8萬港元，上月再遇騙徒時「學精」反擊，而今次就到黃建東自己遇上騙徒。黃建東仲曬出同對方嘅手機對話截圖，親自示範如何擊退騙徒！

{{hket:inline-image name="wkt2.png"}}{{/hket:inline-image}}

黃建東媽媽2年前被「點數卡黨」呃走8萬蚊。(東星娛樂)

【同林德信唱YUU】黃建東唱歌感觸爆喊憶已故舅父 「喺美國度過咗無數個孤獨夜晚」 【下一頁】

對話截圖中可見，對方首先問黃建東得唔得閒，黃建東回覆時特登嗌錯對方個名，仲扮晒嘢話梗係得。對方好快就叫佢去7仔幫手買張過1,000蚊嘅點數卡，仲話急住要。黃建東見狀即詐傻扮懵，扮傻話要去灣仔電腦城買。

{{hket:inline-image name="128393671_150677293465449_1415499827905784126_n.jpg"}}{{/hket:inline-image}}

對話過程全公開。(黃建東IG)

佢之後又同對方閒話家常，話自己睇緊《流行經典50年》。對方心急問佢係咪未買時，黃建東就話：「我之前有儲開絕版閃卡，有周慧敏同楊采妮，依家炒到好貴，你想唔想要住頂住先？」黃建東九唔搭八嘅回覆最終令騙徒敗走離場。

{{hket:inline-image name="127987484_745354163004042_6347592517286496826_n.jpg"}}{{/hket:inline-image}}

用周慧敏同楊采妮絕版閃卡成功擊退騙徒。(黃建東IG)

事後黃建東表示繼阿媽之後，終於到佢收到買點數卡嘅訊息，話自己希望用周慧敏或者楊采妮嘅絕版閃咭嚟感化騙徒，「但佢可唔可以畀多啲耐性氹吓我落疊？唔好剩係識得問我得唔得閒同買咗未？」

{{hket:inline-image name="wkt.png"}}{{/hket:inline-image}}

仲嫌對方無耐性「氹佢落疊」。(黃建東IG)

有網民留言笑指好想繼續睇之後嘅對話，又有人分析點解黃建東呢個方法「唔work」，「人哋鬼識上一代嘅玉女啊，梗唔理你啦！」、「人哋都唔係嗰個年代，梗係唔理你啦！」有人仲建議，「你問佢，有冇睇過我喺《流行經典50年》唱歌呀？」

{{hket:inline-image name="wkt3.png"}}{{/hket:inline-image}}

間唔時都會上《流行經典50年》唱歌。(東星娛樂)

【C9特工】黃建東拍搞笑片連古天樂都讚 「最怕監製以為我拍唔到正劇」 【下一頁】