圈中不時都有長得異常地相似的藝人,有如「孖生」兄弟。而TVB劇集《踩過界II》中剛巧有三pair「撞樣兄弟」,包括王浩信與林俊其、趙樂賢與鄭詠謙、及湯俊明與張韡騰(前名:張漢斌)。當中不少網民認為趙樂賢與鄭詠謙這一pair最易令人混淆,相似度極高!
趙樂賢 鄭詠謙
於《踩過界II》中,趙樂賢飾演酒吧員工,也是癲姐 (蔡思貝飾) 手下「窩釘」;而鄭詠謙則是飾演紹宏 (秦沛飾) 的律師行律師。兩人雖然沒有同場,戲份也不算多,但由於兩人外貌十分相似,有時候都分不清邊個打邊個。貼士係,劇中鄭詠謙是有戴眼鏡的,易認一點。
左邊係鄭詠謙;右邊係趙樂賢。(《踩過界II》截圖)
左邊係趙樂賢,右邊係鄭詠謙,真係好似樣。(Facebook圖片)
趙樂賢今年41歲,於2005年參加第19期TVB藝員訓練班入行,曾參演逾百套電視劇。因工作量及收入不穩定,一度令趙樂賢考慮放棄演藝事業。為了養妻活兒,他唯有兼職當裝修工人。他曾經不敢讓TVB同事得悉自己身兼兩職,不過見鄭世豪在推出歌曲《仍堅持》時力邀一眾綠葉王拍攝MV,便勇於公開自己的雙重身分,「我做裝修工人為咗維持生活,又唔係做賊。我做油漆同做演員一樣,會做好呢個身分要做嘅事。」
趙樂賢是一名裝修工人。(Youtube影片截圖)
也是一名演員。(趙樂賢Facebook)
於2014年成家立室。(趙樂賢Facebook)
而29歲的鄭詠謙參加2009年第23期TVB藝員訓練班入行,至今加入TVB已有11年。他以往除了在《放學ICU》當主持外,更在多個劇集演出,大多數都是小角色,要數令人印象深刻的是《大帥哥》入面飾演金堅副帥。入行前鄭詠謙做過社工助理,在社區中心和Band 3學校駐校,他接受本報訪問時曾說:「如果冇做藝人,我應該會係社工,不過好難,我坐唔定,好百厭!」
鄭詠謙做過兒童節目主持。(《放學ICU》電視截圖)
《大帥哥》入面飾演金堅副帥。(《大帥哥》電視截圖)
《大帥哥》入面表現獲張衞健讚賞。(鄭詠謙IG)
他表示自己初初入行得17歲,一邊做演員一邊搵兼職,做過演唱會搭台工作,搬搬抬抬或者打釘,滿手長繭,「真係好辛苦,有時搬嘢好攰,做到忍唔住喊,諗到底為啲乜嘢呢?不過喊完就吞咗佢,頂硬上,為自己夢想同養家,繼續努力。」
第一個角色造型要戴眼鏡。(鄭詠謙IG)
今年都參演過唔少劇集。(鄭詠謙IG)
王浩信 林俊其
24歲的林俊其經常被指似37歲的王浩信,兩人曾多次同劇,亦帶挈前者在《愛回家之開心速遞》裡飾演「藍浩信(Signal)」一角。在《踩過界II》中,林俊其做大律師秦沛的下屬。日前林俊其以「盲俠」造型拍攝《踩過界2外傳:閃過界》,白恤衫加黑色西裝背心,加上聲線和語氣都模仿得極似「盲俠」,不少觀眾都認為林俊其更似王浩信親弟 (王瑋彤)。
「孖生兄弟」同框selfie。(林俊其IG)
兩個「盲俠」?(林俊其IG)
林俊其扮「盲俠」似模似樣。(林俊其IG)
為咗唔同正版撞,林俊其 (後排左一) 刻意戴眼鏡。(林俊其IG)
湯俊明 張韡騰
47歲的湯俊明跟50歲的張韡騰經常在電視劇中擔任小配角,《踩過界II》中,前者飾演癲姐 (蔡思貝飾) 手下「龍」;而後者則是演重案組警長,是江寶釵 (姜麗文飾) 之下屬。
湯俊明(左)同張韡騰(右)都好鍾意跑步。(IG圖片)
【木棘証人】湯俊明入行27年曾轉行做裝修 被途人冷言相向靠一人重返無綫 【下一頁】